முக்கிய செய்திகள்
Idhayam Matrimony

பாபநாசம் அணை நீர்மட்டம் ஒரே வாரத்தில் 25 அடி உயர்ந்தது

ஞாயிற்றுக்கிழமை, 12 நவம்பர் 2017      திருநெல்வேலி

நெல்லை மாவட்டத்தில் தொடர் மழை பெய்து வருவதால் பாபநாசம் அணை நீர்மட்டம் ஒரே வாரத்தில் 25 அடி உயர்ந்துள்ளது.

உயரும் நீர்மட்டம்

 தமிழகம் முழுவதும் கடந்த 2 ஆண்டுகளாக போதிய மழை இல்லை. நெல்லை மாவட்டத்தில் ஆண்டுதோறும் வடகிழக்கு, தென்மேற்கு பருவமழைகள் பெய்வது வழக்கம். கடந்த 2 ஆண்டாக இந்த 2 பருவ மழைகளுமே பெய்யவில்லை. இதனால் மாவட்டம் வறட்சியை நோக்கி சென்றது. குடிநீர் தட்டுப்பாடும் ஏற்படும் அபாயம் உண்டானது. கார், பிசான சாகுபடிகளும் நடைபெறவில்லை. மழை பெய்தால் மட்டுமே நிலைமை சீராகும் என்ற நிலை உண்டானது.இந்த நிலையில் இந்த ஆண்டு வடகிழக்கு பருவ மழை முழுமையாக பெய்யும் என்று வானிலை இலாகா அறிவித்தது. அதன்படி மழை பெய்ய தொடங்கி உள்ளது. மாவட்டத்தில் கடந்த 12 நாட்களுக்கும் மேலாக கன மழை பெய்தது. இதனால் அணைகளில் நீர்மட்டம் கிடுகிடுவென உயர்ந்து வருகிறது. பிரதான பாசன அணையான பாபநாசம் அணை நீர்மட்டம் ஒரே வாரத்தில் 25 அடி உயர்ந்து உள்ளது.இந்த அணையின் உச்சநீர்மட்டம் 143 அடி. கடந்தவாரம் இந்த அணை நீர்மட்டம் 77.50 அடியாக இருந்தது. தொடர்மழையினால் 100.80 அடியானது. இன்று காலை இந்த அணை நீர்மட்டம் 102.20 அடியாக உயர்ந்து உள்ளது. அணைக்கு வினாடிக்கு 1200 கன அடி தண்ணீர் வருகிறது. அணையில் இருந்து 304 கன அடி தண்ணீர் திறந்து விடப்பட்டு உள்ளது. சேர்வலாறு அணை உச்ச நீர்மட்டம் 156 அடி. இந்த அணை கடந்த வாரம் 90.04 அடியாக இருந்தது. ஒரே வாரத்தில் இது 24 அடி உயர்ந்து 115.80 அடியாக அதிகரித்து உள்ளது. மணிமுத்தாறு அனையின் உச்சநீர்மட்டம் 118 அடி. இந்த அணை நீர்மட்டம் ஒரு வாரத்தில் இந்த அணை 23 அடி உயர்ந்து அணை நீர்மட்டம் 79.85 அடியாக உயர்ந்து உள்ளது. மலைப்பகுதிகளில் தற்போது மழை இல்லாவிட்டாலும் ஏற்கனவே பெய்த மழையினால் நீர்வரத்து மிதமான அளவு உள்ளது. இதனால் நீர்மட்டம் மேலும் சிறிதளவு உயர வாய்ப்பு உள்ளது. இதன் இடையே மழை பெய்ய தொடங்கியது முதலே மாவட்டம் முழுவதும் பிசான சாகுபடிக்கான முன்னேற்பாடு பணிகளில் விவசாயிகள் மும்முரமாக ஈடுபட்டனர். வயல்வெளிகள் நடவுக்காக தயார்படுத்தப்பட்டு வருகிறது. சில பகுதிகளில் நடவுப்பணி முடிந்து பயிர்களை பராமரித்து வருகின்றனர். கடந்த 2 ஆண்டுகளை விட இந்த ஆண்டு கூடுதல் பரப்பளவில் நெற்பயிர் சாகுபடி செய்யப்பட்டு உள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
more
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.