வேட்டவலம் அருகே கால்நடை டாக்டர் வீட்டில் கொள்ளை

வெள்ளிக்கிழமை, 19 ஜனவரி 2018      திருவண்ணாமலை

 

திருவண்ணாமலை மாவட்டம் வேட்டவலம் அருகே வீட்டின் பூட்டை உடைத்து 70 சவரன் நகை, 2 கிலோ வெள்ளி மற்றும் ரூ. 60 ஆயிரம் பணத்தை மர்ம ஆசாமிகள் கொள்ளையடித்து சென்றனர். அவர்களை போலீசார் தேடி வருகின்றனர்.

நகை கொள்ளை

வேட்டவலம் அடுத்த ராஜன்தாங்கல் கிராமத்தைச் சேர்ந்தவர் சேகர் (64) ஓய்வுபெற்ற கால்நடை மருத்துவர் இவரது மனைவி ராஜேஸ்வரி இவர்களுக்கு 2 மகள்கள் உள்ளனர். அவர்கள் திருமணமாகி வெளியூரில் வசித்து வருகின்றனர். சேகர் ஓய்வுபெற்ற பின்பு வீட்டில் இருந்தபடியே தனியாக கால்நடைகளுக்கு சிகிச்சை அளித்தும் விவசாயமும் செய்து வருகிறார். சேகரின் தம்பி ராஜேந்திரன் விருத்தாசலம் எல்ஐசி அலுவலகத்தில் வளர்ச்சி அதிகாரியாக இருந்தார். கடந்த 10 நாட்களுக்கு முன்பு ராஜேந்திரன் இறந்துவிட்டார். அதற்கான தொகை பெறுவதற்காக சேகர், ராஜேஸ்வரி, ராஜேந்திரன் மனைவி வசந்தா, அவரது மகன் ரஞ்சித் மற்றும் உறவினர்கள் கோபி, சரஸ்வதி ஆகியோர் காரில் சென்று விருத்தாச்சலம் சென்றனர். சேகர் மற்றும் ரஞ்சித் விருத்தாசலத்தில் தங்கினர். மற்றவர்கள் வீடு திரும்பினர். நேற்று (வெள்ளிக்கிழமை) அதிகாலை 2 மணியளவில் ராஜேஸ்வரி உள்ளிட்ட 4 பேரும் ராஜன்தாங்கல் வந்தனர்.

அனைவரும் தங்கள் வீடுகளுக்கு சென்றனர். ராஜேஸ்வரியும் வசந்தாவும் தங்கள் வீட்டுக்கு சென்றபோது கேட் மற்றும் கதவின் பூட்டு உடைக்கப்பட்டிருப்பதை பார்த்து அதிர்ச்சியடைந்தனர். வீட்டின் கதவு உள்பக்கமாக தாழிடப்பட்டு இருந்தது. இதனால் பின்பக்கம் சென்று பார்த்தபோது கதவு உடைக்கப்பட்டு பொருட்கள் ஆங்காங்கே சிதறி கிடந்தன. உள்ளே சென்று பார்த்தபோது பீரோ உடைக்கபபட்டு அதிலிருந்த சுமார் 70 சவரன் நகை , 2 கிலோ வெள்ளி மற்றும் ரூ. 60 ஆயிரம் காணாமல் போனதை கண்டு அதிர்ச்சியடைந்தனர்.

யாரோ மர்ம ஆசாமிகள் வீட்டுக்குள் புகுந்து இந்த துணிகர செயலில் ஈடுபட்டது தெரியவந்தது. இதுகுறித்து வேட்டவலம் காவல்நிலையத்தில் புகார் செய்தனர். எஸ்பி இரா.பொன்னி, ஏஎஸ்பி ரவளிபிரியா, வேட்டவலம் இன்ஸ்பெக்டர் செந்தில், மற்றும் போலீசார் சம்பவ இடத்தை பார்வையிட்டு விசாரணை நடத்தினர். கைரேகை நிபுணர்கள் தடயங்களை சேகரித்தனர். மேலும் அருகிலுள்ள பெட்ரோல் பங்க் சிசிடிவி கேமரா பதிவுகளை ஆய்வு செய்தனர். மேலும் கொள்ளையர்களை தீவிரமாக தேடி வருகின்றனர். இச்சம்பவம் அப்பகுதியில் பெரும் அச்சத்தை ஏற்படுத்தியுள்ளது.

Kolamavu Kokila(CoCo) Movie Review | Nayanthara | Yohi babu | Anirudh | Nelson

World's ugliest pug!! See for yourself!

கட்சியின் சொத்துக்களை அபகரிக்க முயலும் தி.மு.க வினர் - மு.க. அழகிரி பகிர் தகவல்

கண்பார்வை அற்றவர் வெறும் காகிதங்களை வைத்து ஒலி எழுப்பி சாகசம்

அழகிரிக்கு பதவி தர விரும்பாத ஸ்டாலின் - குடும்ப சண்டையால் வெடித்துள்ள பூகம்பம்

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

வீட்டில் வளர்க்க தகுந்த வண்ண மீன்களின் வகைகள் | Aquarium | Aquarium fish in tamil

Racing Pigeon | Prepare to grow | புறாக்களை குஞ்சுகளிலிருந்து பந்தயத்திற்கு தயார் படுத்துதல்

இதை ஷேர் செய்திடுங்கள்:

View all comments

வாசகர் கருத்து