சண்முகபாண்டியன் எளிமையானவர்: 'மதுரவீரன்' நாயகி மீனாட்சி

சனிக்கிழமை, 27 ஜனவரி 2018      சினிமா
padai veeran

Source: provided

"சண்முகபாண்டியன் எளிமையானவர் , மிகப்பெரிய குடும்பத்திலிருந்து வந்தாலும் எப்போதும் எல்லோரிடமும் சாதரணமாக பழகுபவர். அவர் மிகவும் நேர்மையானவர்" என 'மதுரவீரன்' படத்தின் நாயகி மீனாட்சி கூறியுள்ளார்.

நடிகரும், தே.மு.தி.க. தலைவருமான விஜயாகாந்தின் மகன் சண்முகபாண்டியன் நடிப்பில் உருவாகி வரும் படம் 'மதுரவீரன்'. இதில் அறிமுக நாயகி மீனாட்சி நடிக்கிறார். 'சகுனி', 'சேட்டை' ஆகிய படங்களின் ஒளிப்பதிவாளர் பி.ஜி.முத்தையா இப்படத்தை இயக்கியுள்ளார்.

'மதுரவீரன்' படத்தில் நடிக்கும் அனுபவம் பற்றி நடிகை மீனாட்சி பேசியதாவது: ''நடிப்பைப் பற்றி பெரிதாக புரிதல் இல்லாத குடும்பப் பின்னணியில் இருந்து வந்தவள் நான். என்னை 'மதுரவீரன்' திரைப்படத்தின் கதாநாயகியாக தேர்ந்தெடுத்த இயக்குநர் பி.ஜி.முத்தையாவுக்கு நன்றி.

இயக்குனர் பி.ஜி.முத்தையா படபிடிப்பில் தளத்தில் எனக்கு பெரிதும் உதவினார். அவர் மிகவும் நல்ல மனிதர். எப்போதும் முகத்தில் புன்னகையுடன் இருப்பார். படப்பிடிப்பு தளத்துக்கு வரக்கூடிய முதல் நபரும் அவர் தான். அவருடைய உண்மையான உழைப்பும் , அமைதியும் அனைவருக்கும் புத்துணர்ச்சியை தரும். அவர் படத்தின் ஒளிப்பதிவாளரா அல்லது இயக்குநரா ? என்ற சந்தேகம் எனக்கு பலமுறை வந்துள்ளது.

பன்முகத் திறமை கொண்டவர் அவர். அவரோடு இப்படத்தில் பணியாற்றியது சிறப்பாக இருந்தது.சண்முக பாண்டியன் எளிமையானவர் , மிகப்பெரிய குடும்பத்திலிருந்து வந்தாலும் எப்போதும் எல்லோரிடமும் சாதாரணமாகப் பழகுபவர். அவர் மிகவும் நேர்மையானவர்.

படப்பிடிப்பில் வசனங்களை சரியாக பேச எனக்கு உதவியவர் அவர் தான். என்னுடைய வாழ்க்கையில் மிகச் சிறந்த தருணம் விஜயகாந்தும், பிரேமலதாவும் படப்பிடிப்பு தளத்துக்கு வந்து என்னுடன் 1 மணி நேரம் பேசியதுதான். என்னுடைய வாழ்வில் எப்போதும் மறக்க முடியாத தருணம் அது எனலாம்.

என்னுடைய சொந்த ஊர் ஆலப்புழா , தமிழகத்தின் பசுமையான கிராமங்கள் என்னை அழகாக்கி, நிறைய கற்று தந்துள்ளன. கிராமத்து பெண்கள் சேலை அணிவதில் ஆரம்பித்து பலவற்றை எனக்கு கற்றுத் தந்துள்ளனர்.

கிராமத்து பெண்கள் சேலை அணிவது எனக்கு மிகவும் பிடிக்கும். 'மதுரவீரன்' படப்பிடிப்பில் அவர்கள் எனக்கு மிகவும் உதவியாக இருந்தனர். நான் தமிழகத்தின் சிறப்பான தித்திக்கும் பொங்கலுக்கு மிகப்பெரிய ரசிகை. ஆனால் படப்பிடிப்பின் போது அதை நான் அதிகம் சாப்பிடவில்லை'' என்கிறார் மதுரவீரன் நாயகி மீனாட்சி.

Kaatrin Mozhi Review | Jyothika | Vidharth | Lakshmi Manchu | Radha Mohan

Vanaraja Chicken | How to Start Vanaraja Chicken farming | வனராஜா வகை நாட்டுக்கோழி வளர்ப்பு சுலபமா

Great Dane Dog | வேட்டைக்காக வளர்க்கும் கிரேட்டேண் நாய் வளர்ப்பு முறைகள் | Great Dane Dog in Tamil

சுலபமாக மஞ்சள் பயிரிட்டு சந்தைபடுத்தும் முறைகள் | How to grow Turmeric in farm easy ways

Easy 30 minutes Milk kova recipe in Tamil | Milk kova seivathu eppadi | Paalkova recipe in Tamil

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்:

View all comments

வாசகர் கருத்து