தாஜ்மகாலுக்கு ஆளில்லா விமானம் எடுத்து சென்றால் சிறை தண்டனை

திங்கட்கிழமை, 12 பெப்ரவரி 2018      இந்தியா
taj mahal(N)

ஆக்ரா, உலக அதிசயங்களில் ஒன்றான தாஜ்மகால் பார்க்க வருபவர்கள் ஆளில்லா விமானம் எடுத்து சென்றால் சிறை தண்டனை வழங்கப்படும் என ஆக்ரா போலீஸ் சூப்பிரண்டு கன்வர் அனுபம்சிங் எச்சரிக்கை விடுத்தார்.

உலக அதிசயங்களில் ஒன்றான தாஜ்மகால் உத்தரபிரதேச மாநிலம் ஆக்ராவில் யமுனை நதிக்கரையில் உள்ளது. இதை கண்டு ரசிக்க உலகம் முழுவதும் இருந்து சுற்றுலா பயணிகள் வருகின்றனர். அவர்கள் உலக பாரம்பரிய சின்னமான தாஜ்மகாலுக்கு உள்ளேயும், அதை சுற்றியுள்ள பகுதிகளிலும் ஆளில்லாமல் பறக்க கூடிய ‘டிரோன்ஸ்’ எனப்படும் மிக சிறிய விமானங்கள் பயன்படுத்த தடை விதிக்கப்பட்டுள்ளது. கடந்த 2017-ம் ஆண்டு தாஜ்மகாலை சுற்றி 20 தடவை பறந்த ஆளில்லா விமானம் ஒன்று பறிமுதல் செய்யப்பட்டது. அதைத் தொடர்ந்து இத்தடை கொண்டு வரப்பட்டது. இதை மீறி ஆளில்லா விமானம் பறக்க விடுபவர்கள் மீது கிரிமினல் நடவடிக்கை மேற்கொள்ளப்படும் என்றும் எச்சரிக்கை விடப்பட் டது. ஆனால் தடையை மீறி ஆளில்லா விமானங்கள் பறக்க விட்டவர்கள் மீது இதுவரை எந்த நடவடிக்கை யும் எடுக்கவில்லை.

இந்த நிலையில் விடுமுறை நாளான நேற்று முன்தினம் ஆளில்லா விமானம் பறக்க விட்டது கண்டுபிடிக்கப்பட்டது. எனவே அவர்கள் கைது செய்யப்பட்டு சிறையில் அடைக்கப்பட்டனர். இதுகுறித்து ஆக்ரா போலீஸ் சூப்பிரண்டு கன்வர் அனுபம்சிங் நிருபர்களுக்கு பேட்டி அளித்தார். அப்போது தடையை மீறி தாஜ்மகாலை சுற்றியோ அல்லது உள்ளேயோ ஆளில்லா விமானம் பறக்க விட்டால் இந்திய தண்டனை சட்டம் பிரிவு 287 (அத்துமீறி செயல்படுதல்), 336 (உயிருக்கு பாதுகாப்பு இன்மையை உருவாக்குதல்), 337, 338 (பிறருக்கு காயம் ஏற்படுத்தி உயிருக்கு ஆபத்தை ஏற்படுத்துதல்) ஆகிய பிரிவுகளின் கீழ் வழக்கு பதிவு செய்யப்படும். மேலும் அவர்களுக்கு சிறை தண்டனையும் வழங்கப்படும் என எச்சரிக்கை விடுத்தார். பொதுமக்கள் பாதுகாப்பு நடவடிக்கைகளை கருத்தில் கொண்டு இத்தகைய நடவடிக்கை கண்டிப்பாக மேற்கொள்ளப்படும். மேலும் இதுகுறித்து பொது மக்களிடம் விழிப்புணர்வு ஏற்படுத்த பிரசாரம் செய்யப்படும்” என்றார்.

Kaatrin Mozhi Review | Jyothika | Vidharth | Lakshmi Manchu | Radha Mohan

Vanaraja Chicken | How to Start Vanaraja Chicken farming | வனராஜா வகை நாட்டுக்கோழி வளர்ப்பு சுலபமா

Great Dane Dog | வேட்டைக்காக வளர்க்கும் கிரேட்டேண் நாய் வளர்ப்பு முறைகள் | Great Dane Dog in Tamil

சுலபமாக மஞ்சள் பயிரிட்டு சந்தைபடுத்தும் முறைகள் | How to grow Turmeric in farm easy ways

Easy 30 minutes Milk kova recipe in Tamil | Milk kova seivathu eppadi | Paalkova recipe in Tamil

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்:

View all comments

வாசகர் கருத்து