முக்கிய செய்திகள்
Idhayam Matrimony

விவாகரத்துக்கு எதிரான வழக்கு:சுப்ரீம் கோர்ட் பரபரப்பு தீர்ப்பு

திங்கட்கிழமை, 27 ஆகஸ்ட் 2018      இந்தியா
Image Unavailable

 புது டெல்லி, விவாகரத்துக்கு எதிரான மேல் முறையீட்டு மனு நிலுவையில் இருந்தாலும், அந்த மனுவை வாபஸ் பெறுவதாக அறிவித்த பிறகு செய்து கொண்ட 2-வது திருமணம் செல்லும் என்று சுப்ரீம் கோர்ட் தெரிவித்துள்ளது.

டெல்லியைச் சேர்ந்த ஒருவரை அவரது முதல் மனைவி விவாகரத்து செய்தார். இதை எதிர்த்து டெல்லி ஐகோர்ட்டில் மேல் முறையீடு செய்தார். இந்த மனு நிலுவையில் இருந்த நிலையில், மனைவியுடனான கருத்து வேறுபாட்டை பேச்சுவார்த்தை மூலம் தீர்த்துக் கொண்டார்.

இதையடுத்து விவாகரத்தை ஏற்றுக் கொண்டு அந்த மனுவை வாபஸ் பெறுவதாக ஐகோர்ட்டில் தெரிவித்தார்.
ஆனால் இதை நீதிமன்றம் ஏற்றுக்கொண்டு அவரது மனுவை தள்ளுபடி செய்வதாக அதிகாரபூர்வமாக அறிவிப்பதற்கு 2 வாரத்துக்கு முன்பே, இரண்டாவது திருமணம் செய்து கொண்டார்.

இதனால், 2-வது திருமணத்திலும் சிக்கல் ஏற்பட்டது.

விவாகரத்து தொடர்பான மேல் முறையீட்டு மனு நிலுவையில் இருந்த போது செய்து கொண்ட திருமணம் செல்லுமா எனக் கோரி அவரது 2-வது மனைவி குடும்பநல நீதிமன்றத்தில் வழக்கு தொடர்ந்தார். அவரது மனு தள்ளுபடி செய்யப்பட்டது. அவரது மேல் முறையீட்டு மனுவை விசாரித்த ஐகோர்ட், விவாகரத்துக்கு எதிரான மேல் முறையீட்டு மனு நிலுவையில் இருந்த போது, நடைபெற்ற திருமணம் செல்லாது என தீர்ப்பு வழங்கியது.

இதை எதிர்த்து அவரது கணவர் சுப்ரீம் கோர்ட்டில் மேல் முறையீடு செய்தார். இதை விசாரித்த நீதிபதிகள் எஸ்.ஏ.பாப்டே மற்றும் எல்.நாகேஸ்வர ராவ் அமர்வு, ஐகோர்ட் தீர்ப்பை ரத்து செய்து, திருமணம் செல்லும் என தீர்ப்பளித்துள்ளது.

நீதிபதிகள் தங்கள் தீர்ப்பில், விவாகரத்தான ஒருவர் வேறு திருமணம் செய்து கொள்ளலாம் என இந்து திருமணச் சட்டத்தின் 15-வது பிரிவு கூறுகிறது. அதேநேரம், விவாகரத்துக்கு எதிரான மேல் முறையீட்டு மனு நிலுவையில் இருந்தாலும், சம்பந்தப்பட்ட தம்பதி தங்கள் பிரச்சினையை சுமுகமாக தீர்த்துக் கொண்டு மனுவை வாபஸ் பெறுவதாக நீதிமன்றத்தில் தெரிவித்து விட்டாலே வேறு திருமணம் செய்து கொள்ளலாம்.

அந்த மனுவை நீதிமன்றம் முறையாக தள்ளுபடி செய்வதற்கு முன்பே திருமணம் நடந்ததாகக் கூறி அதை செல்லாது என அறிவிக்க முடியாது என நீதிபதிகள் தெரிவித்தனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 4 weeks 6 hours ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 4 weeks 6 hours ago ஆவாரம்பூவின் மருத்துவ பலன்கள் 4 weeks 6 hours ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.