சென்னை : சென்னையில் ஆபரணத் தங்கத்தின் விலை நேற்று சவரனுக்கு 128 ரூபாய் உயர்த்தப்பட்டுள்ளது.
ஊரடங்கு பகுதியளவு தளர்த்தப்பட்ட பின்னர் தங்கம் விலை தொடர்ந்து உயர்த்தப்பட்டு வருகிறது. வெள்ளி விலையும் நேற்று உயர்ந்துள்ளது. சென்னையில் நேற்று (மே 23) ஒரு கிராம் (22 கேரட்) ஆபரணத் தங்கத்தின் விலை ரூ.4,544 ஆக உயர்த்தப்பட்டுள்ளது. நேற்று முன்தினம் இதன் விலை 4,528 ஆக இருந்தது.நேற்று தங்கத்தின் விலை கிராமுக்கு 16 ரூபாய் உயர்ந்துள்ளது.
அதே போல, நேற்று முன்தினம் 36,224 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் நேற்று 128 ரூபாய் உயர்ந்து 36,352 ரூபாய்க்கு விற்பனையானது. ஒரு கிராம் வெள்ளியின் விலை நேற்று முன்தினம் ரூ.51.40 ஆக இருந்தது. ஆனால் நேற்று அதன் விலை ரூ.52.10 ஆக அதிகரித்து இருந்தது. ஒரு கிலோ வெள்ளி 52,100 ரூபாய்க்கு விற்பனை செய்யப்பட்டது.
