புதுடெல்லி : அமெரிக்காவில் நடைபெறும் அடுத்த ஜி-7 மாநாட்டுக்கு பிரதமர் நரேந்திர மோடியை பங்கேற்குமாறு அமெரிக்க அதிபர் டிரம்ப் அழைப்பு விடுத்துள்ளார்.
இது தொடர்பாக மத்திய அரசு வெளியிட்டுள்ள செய்திக் குறிப்பில், ஜி-7 உச்சி மாநாட்டு பங்கேற்பு நாடுகளை அதிகரிக்க டிரம்ப் விரும்புகிறார். இந்தச் சூழ்நிலையில்தான் பிரதமர் மோடிக்கு அதிபர் டிரம்ப் அழைப்பு விடுத்துள்ளார் என்று கூறப்பட்டுள்ளது. இந்தியா இந்த அழைப்பினை ஆராய்ந்து வருவதாகக் கூறப்பட்டுள்ளது.
அடுத்த 3 ஆண்டுகளுக்கு இந்தியா கோவிட்-19 பெருந்தொற்று விவகாரத்தில் உலக அரங்கில் முக்கியப் பங்கு வகிக்கவுள்ளது. பிரதமர் மோடி ஏற்கெனவே கடந்த ஆண்டு பிரான்ஸ் அதிபர் மேக்ரானின் அழைப்பை ஏற்று ஜி-7 மாநாட்டில் பிரதமர் மோடி கலந்து கொண்டார். தற்போதைய ஜி-7 பழையதாகி விட்டது.
எனவே இதில் ரஷ்யா, ஆஸ்திரேலியா, தென் கொரியா, இந்தியா ஆகிய நாடுகளையும் சேர்க்க வேண்டும் என்று அதிபர் டிரம்ப் கூறியிருந்தது குறிப்பிடத்தக்கது.
