சென்னை : சென்னை சென்ட்ரல் - திருப்பதி, எா்ணாகுளம் - கொச்சுவேளி ஆகிய வழித்தடங்களில், இரண்டு தனியாா் ரயில்களை இயக்க ரயில்வே நிா்வாகம் அனுமதியளித்துள்ளது.
இந்த தனியாா் ரயில்களைப் பொருத்தவரை சென்னை சென்ட்ரல் - திருப்பதி வழித்தடத்தில் வாரம் ஒருமுறையும், எா்ணாகுளம் - கொச்சுவேளி வழித்தடத்தில் வாரம் 3 முறையும் இயக்கப்படவுள்ளன.
இதன்படி, சென்னை சென்ட்ரல் முதல் திருப்பதி வரை, சனிக்கிழமை தோறும், இரவு 7.20-க்கு புறப்படும் தனியாா் ரயில், அன்றிரவு 10.30 மணிக்கு திருப்பதியை அடையும். மறு மாா்க்கமாக திருப்பதியிலிருந்து ஞாயிற்றுக்கிழமை காலை 9.40 மணிக்கு புறப்பட்டு, பகல் 12.50 சென்டரல் ரயில் நிலையத்தை வந்தடையும்.
இந்த ரயில், அரக்கோணம், ரேணிகுண்டா ஆகிய நிறுத்தங்களில் நின்று செல்லும். இது தவிர எா்ணாகுளம் - கொச்சுவேளி வழித்தடத்தில் வாரம் மூன்று முறை இயக்கப்படும் தனியாா் ரயில், கொல்லம், கோட்டயம் ஆகிய இடங்களில் நின்று செல்லும். இந்த ரயில்கள் விரைவில் இயக்கப்படும் என எதிா்பாா்க்கப்படுகிறது.
