புதிய ஸ்டூடியோவில் இசை பணிகளை தொடங்கினார் இளையராஜா

புதன்கிழமை, 3 பெப்ரவரி 2021      சினிமா
Ilayaraja 2021 02 03

Source: provided

சென்னை : சென்னை கோடம்பாக்கத்தில் தனது புதிய ஸ்டூடியோவில் இசைஞானி இளையராஜா இசையமைப்பு பணிகளை தொடங்கியுள்ளார். இசையமைப்பாளர் இளையராஜா கோடம்பாக்கத்தில் அமைந்திருக்கும் தனது புதிய ஸ்டூடியோவில் முதல் பாடல் பதிவினை தொடங்கியிருக்கிறார்.

700,00-க்கும் மேற்பட்ட பாடல்களுக்கு இசையமைத்துள்ள இளையராஜா, இசையமைப்பாளராக புகழ்பெற தொடங்கிய காலகட்டத்திலிருந்தே பிரசாத் ஸ்டூடியோவில் தனது இசையமைப்பு பணிகளை மேற்கொண்டு வந்தார்.

பிரசாத் ஸ்டூடியோவுடன் ஏற்பட்ட பிரச்சனை காரணமாக அங்கிருந்து வெளியேறி கோடம்பாக்கத்தில் உள்ள பழைய எம்.எம். தியேட்டரை வாங்கி, அங்கு பல மாற்றங்கள் செய்யப்பட்டு தனது புது ஸ்டூடியோவை உருவாக்கி உள்ளார். கடந்த 25-ம் தேதி ஸ்டூடியோ திறப்பு விழா நடந்த நிலையில் முதல் பாடல் பதிவு தற்போது தொடங்கியிருக்கிறது.

வெற்றிமாறன் இயக்கத்தில் சூரி நடித்து வரும் திரைப்படத்திற்கான இசை கோப்பு பணிகளை முதற்கட்டமாக தொடங்கியிருக்கிறார். இந்நிகழ்வில் இயக்குநர் வெற்றிமாறன், இயக்குநர் பாரதிராஜா, நடிகர் சூரி உள்ளிட்டோர் கலந்து கொண்டனர். 

இதை ஷேர் செய்திடுங்கள்:

View all comments

வாசகர் கருத்து