தடைகள் உடைத்து தமிழினம் முன்னேற அண்ணாவின் பிறந்த நாளில் சூளுரைப்போம் : முதல்வர் மு.க. ஸ்டாலின் டுவிட்

Stalin 2020 07-18

Source: provided

சென்னை : அண்ணாவின் 113-வது பிறந்தநாளில் தடைகள் உடைத்து, தமிழினம் முன்னேறச் சூளுரைப்போம் என்று முதல்வர் மு.க. ஸ்டாலின் தனது டுவிட்டர் பக்கத்தில் தெரிவித்துள்ளார். 

தமிழக முன்னாள் முதல்வர் பேரறிஞர் அண்ணாவின் 113-வது பிறந்த நாள் நேற்று கொண்டாடப்பட்டது. இந்நிலையில், அண்ணாவின் பிறந்தநாள் தொடர்பாக முதல்வர் மு.க. ஸ்டாலின் தனது டுவிட்டர் பக்கத்தில் வெளியிட்ட பதிவில், 

அன்பால் தமிழகத்தை  ஆண்ட பெரியாரின் கொள்கைக் கைத்தடி; ஆயிரமாண்டு ஆரியமாயை பொசுக்கிய அறிவுத்தீ, இந்தி திணிப்புக்கெதிராய் பாய்ந்த தமிழ் ஈட்டி, டெல்லிக்கு  திகைப்பூட்டிய திராவிடப் பேரொளி பேரறிஞர் அண்ணாவின் 113-வது பிறந்தநாளில் தடைகள் உடைத்து, தமிழினம் முன்னேறச் சூளுரைப்போம் என தெரிவித்துள்ளார். முன்னதாக, அண்ணாசாலை, வள்ளுவர்கோட்டம் உள்ளிட்ட பகுதிகளில் உள்ள அண்ணா சிலைக்கு முதல்வர் மு.க. ஸ்டாலின் மலர்தூவி மரியாதை செலுத்தினார் என்பது குறிப்பிடத்தக்கது.

இதை ஷேர் செய்திடுங்கள்:

வீடியோ

View all comments

வாசகர் கருத்து