முக்கிய செய்திகள்
Idhayam Matrimony

மதுரையில் கலைஞர் நினைவு நூலகம்: கட்டுமானப்பணி இம்மாத இறுதியில் தொடங்குகிறது

வெள்ளிக்கிழமை, 3 டிசம்பர் 2021      தமிழகம்
Image Unavailable

மதுரையில் நவீன தொழில் நுட்பத்தில் 2 லட்சம் சதுர அடி பரப்பளவில் 7 மாடிகள் கொண்ட கலைஞர் நினைவு நூலகத்துக்கான கட்டுமானப் பணியை இம்மாத இறுதியில் தொடங்கி 12 மாதத்தில் முடிக்க பொதுப்பணித்துறை திட்டமிட்டு உள்ளது.

மதுரையில் சர்வதேச தரத்தில் கலைஞர் நினைவு நூலகம் அமைக்கப்படும் என்று முதல்வர் மு.க.ஸ்டாலின் அறிவித்து இருந்தார். இதனைத்தொடர்ந்து மதுரை புதுநத்தம் சாலையில் தேர்வு செய்யப்பட்ட இடத்தை, முதல்வர் மு.க.ஸ்டாலின் நேரடியாக சென்று பார்வையிட்டு ஆய்வு செய்தார். தொடர்ந்து பொதுப்பணித்துறை அமைச்சர் எ.வ.வேலு உள்ளிட்ட அமைச்சர்களும் ஆய்வு செய்தனர். பின்னர் கட்டுமானத்திற்கு ரூ.99 கோடியும், தொழில்நுட்ப சாதனங்கள் மற்றும் நூல்கள் வாங்க ரூ.15 கோடியும் நிதி ஒதுக்கி அரசாணை பிறப்பிக்கப்பட்டது.

இந்தநிலையில் பெறப்பட்டு வரும் ஒப்பந்தப்புள்ளிகளை பொதுப்பணித்துறையின் மதுரை கண்காணிப்பு பொறியாளர் வருகிற 17-ம் தேதி இறுதி செய்து, ஒப்பந்தப்புள்ளி தேர்வு குழுவிற்கு அனுப்ப உள்ளார். தொடர்ந்து இம்மாத இறுதியில் பணிகளை தொடங்கி 12 மாதத்தில் பணிகளை நிறைவு செய்ய திட்டமிடப்பட்டு உள்ளது. 

‘முத்தமிழ் அறிஞர் கலைஞர் நினைவு நூலகம்’ என்ற பெயரில் அமைய உள்ள இந்த நூலகத்தில் 250 கார்கள் நிறுத்தும் வகையில் கீழ்தளம் அமைக்கப்படுகிறது. நூலக வளாகத்தில் 300 மோட்டார் சைக்கிள்கள் நிறுத்தும் வசதி செய்யப்படுகிறது. அதன் மேல் தரைதளம் மற்றும் 6 மாடிகள் உட்பட 7 மாடிகளுடன் 2 லட்சம் சதுர அடி பரப்பளவில் நூலகம் கட்டப்படுகிறது. மின்சார பயன்பாடு குறைப்பு உள்ளிட்ட பல்வேறு நவீன தொழில் நுட்பத்துடன் இந்த கட்டிடம் 12 மாதங்களில் கட்டி முடிக்கப்பட உள்ளது. 2.6 ஏக்கர் நிலப்பரப்பில் 2 ஏக்கரில் கட்டிடம் கட்டப்படுகிறது.

கட்டிடத்தில் 250 மற்றும் 200 பேர் அமரும் வகையில் 2 கூட்ட அறைகள் அமைக்கப்படுகிறது. நூலகத்தில் தமிழ் பிரிவு, ஆங்கிலப்பிரிவு, கலைஞர் பிரிவு மற்றும் குடிமைப்பணிகள் உள்ளிட்ட போட்டித் தேர்வுகளுக்கு தயாராகும் மாணவர்களுக்கான பிரிவு உள்ளிட்ட 27 பிரிவுகளுக்கு தனித்தனி அறைகள் கட்டப்படுகிறது. 7 மாடிகளும் குளிர்சாதன வசதி செய்யப்படுகிறது.நூலகத்தின் முகப்பு பகுதியில் கருணாநிதியின் வெண்கல சிலை வைக்கவும் திட்டமிடப்பட்டு அதற்கான பணிகளும் நடந்து வருகிறது. நூலகத்தின் தரைதளத்தில் மாற்றுத்திறனாளிகளுக்கான பிரிவு அமைக்கப்படுவதுடன், கண்காணிப்பு கேமரா வசதி, ஒளி-ஒலி அமைப்புகளுடன் சிறிய அளவிலான அறைகள், குழந்தைகளுக்கான பிரிவுகள் வருகின்றன.

தமிழ், ஆங்கிலம், ஆன்மிகம் குறிப்பாக சைவம், வைணவம், சங்க இலக்கியம், மொழியியல், வாழ்க்கை சமூகம், அறிவியியல், ஆய்வு மாணவர்களுக்கான நூல்கள், மொழிபெயர்ப்பு, விருது பெற்றவர்களுக்கான நூல்கள், குடிமைப்பணிகளுக்கான நூல்கள், மாணவர்கள் போட்டித் தேர்வுக்கு தங்களை தயார்படுத்திக்கொள்ள தேவையான புத்தகங்கள், குழந்தைகள் முதல் பெரியவர்கள் வரை அனைவரும் படிக்க தேவையான புத்தகங்கள், பொது அறிவு புத்தகங்கள், வேலைவாய்ப்புக்கான நூல்கள் உள்பட 2.5 லட்சம் நூல்கள் வைக்கப்படுகிறது.குழந்தைகளுக்கான படிப்பு அறைகள், நூல்கள் மற்றும் ஒளி-ஒலி காட்சி கூடம், டிஜிட்டல் அறைகள் போன்றவை சர்வதேச தரத்தில் அமைகிறது. இதற்கான பணிகளில் பொதுப்பணித்துறை அதிகாரிகள் தீவிரமாக ஈடுபட்டு வருகின்றனர்.

சென்னையில் அண்ணாசாலையில் பன்நோக்கு மருத்துவமனை செயல்பட்டு வரும் கட்டிடம் போன்று நவீன வசதிகளுடன் கட்ட திட்டமிடப்பட்டு உள்ளது. கலைஞர் நினைவு நூலகம் மதுரையின் புகழுக்கு மேலும் ஒரு மணிமகுடமாக திகழும் என்பதில் ஐயமில்லை என்று பொதுப்பணித்துறை அதிகாரிகள் தெரிவித்து உள்ளனர். முதல்வர் மதுரைக்கு சென்று அடிக்கல் நாட்ட வாய்ப்பு இருப்பதாகவும் கூறப்படுகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 3 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 3 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 5 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 5 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.