முக்கிய செய்திகள்
Idhayam Matrimony

விரைவில் மகளிர் ஐ.பி.எல். கிரிக்கெட் போட்டி

ஞாயிற்றுக்கிழமை, 5 டிசம்பர் 2021      விளையாட்டு
Image Unavailable

Source: provided

புதுடெல்லி : பி.சி.சி.ஐ. ஐ.பி.எல். தொடரில் லக்னோ மற்றும் அகமதாபாத் என இரண்டு புதிய அணிகளுக்கு அனுமதி  கொடுத்தது. இதன் மூலம் ஐ.பி.எல். அணிகளின் எண்ணிக்கையை 8-ல் இருந்து 10 ஆக  உயர்த்தியது. பி.சி.சி.ஐ. ஆண்கள் கிரிக்கெட்டுக்கு தொடர்ந்து முதலீடு செய்து வருகிறது, ஆனால்  பெண்கள் கிரிக்கெட்டுக்கு அவ்வளவு முக்கியத்துவம் தரவில்லை.

ஒருபுறம்  ஐ.பி.எல். மூலம் கோடிகளை குவிப்பதால் ஐ.சி.சி.ஐ.க்கு பாராட்டுக்கள் குவிந்தாலும் பெண்கள் ஐ.பி.எல். தொடங்காததால் பி.சி.சி.ஐ. விமர்சனங்களையும்  சந்தித்து வருகிறது.  

ஆஸ்திரேலியாவின் மகளிர் பிக் பாஷ்  லீக் மற்றும் இங்கிலாந்தின் மகளிர் சூப்பர் லீக் வெற்றி பெற்றாலும்,  கிரிக்கெட்டின் மிகப்பெரிய சந்தையான இந்தியாவில் பெண்கள் டி20 லீக்  நடைபெறாதது குறித்து பி.சி.சி.ஐ. மீது கேள்விகளும் எழுந்தன. ஐ.பி.எல். 15-வது சீசனுக்கு முன்னதாக பி.சி.சி.ஐ. தலைவர் சவுரவ் கங்குலி ஒரு முக்கிய அறிவிப்பை வெளியிட்டுள்ளார். அதில், இதுவரை ஆடவர் கிரிக்கெட்டில் மட்டுமே அறிமுகப்படுத்தப்பட்ட லீக் போட்டிகளான ஐ.பி.எல்., இனி மகளிர் கிரிக்கெட்டிலும் விரிவுபடுத்துவது தொடர்பாக தொடர்ந்து கலந்தாலோசனைகள் மேற்கொண்டு வருவதாகவும் அடுத்த சில மாதங்களில் இதுகுறித்து முடிவு எடுக்கப்படும் என்றும் தெரிவித்தார்.

ஏற்கெனவே பல முன்னாள் பெண்கள் கிரிக்கெட் வீரர்கள் மகளிர் கிரிக்கெட்டிலும் ஐ.பி.எல். போன்ற போட்டிகளுக்காக குரல் எழுப்பி வரும் நிலையில், சமீபகாலமாக இந்திய கிரிக்கெட் அணியின் டி20 கேப்டன் ஹர்மன்பிரீத் கவுரும் மகளிர் ஐ.பி.எல். போட்டிக்கு ஆதரவாக கருத்து தெரிவித்து வருவது குறிப்பிடத்தக்கது. எனவே பெண்கள் டி20 லீக் போட்டிகள் குறித்து பி.சி.சி.ஐ. விரைவில் அறிவிக்கும் என எதிர்பார்க்கப்படுகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து