முக்கிய செய்திகள்
Idhayam Matrimony

யு-19 உலகக்கோப்பை போட்டி: ஆஸி. அணியில் கலக்கும் தமிழக வீரர் நிவேதன்

திங்கட்கிழமை, 17 ஜனவரி 2022      விளையாட்டு
Image Unavailable

19 வயதுக்கு உட்பட்டோருக்கான உலகக்கோப்பை போட்டியில், தமிழகத்தைச் சேர்ந்த ஆஸ்திரேலிய கிரிக்கெட் வீரர் நிவேதன் ராதாகிருஷ்ணன், தனது தனி திறமை மூலம் சர்வதேச கிரிக்கெட் ரசிகர்களை வெகுவாக கவர்ந்து வருகிறார்.

இரு கைகளாலும்...

சென்னையில் பிறந்த நிவேதன் ராதாகிருஷ்ணன், தற்போது ஆஸ்திரேலியாவின் அண்டர் 19 அணியில் இடம்பெற்றுள்ளார். பந்துவீச்சில் இரு கைகளாலும் திறம்பட சுழற்பந்து வீசுவதே இவரின் தனிச்சிறப்பாகும். கடந்த 2013-ம் ஆண்டு நிவேதனின் குடும்பம் ஆஸ்திரேலியாவுக்கு குடிபெயர்ந்தது. 10 வயதில் ஆஸ்திரேலியாவுக்கு சென்ற அவர், தமது கிரிக்கெட் ஆற்றலால் 16 வயதுக்குப்பட்டோருக்கான ஆஸ்திரேலிய அணியில் இடம் பிடித்தார். அதன்பின்பு 2017 மற்றும் 2018-ம் ஆண்டுகளில், தமிழ்நாடு ப்ரீமியர் லீக் போட்டிகளிலும், நிவேதன் ராதாகிருஷ்ணன் கலந்துகொண்டு விளையாடியுள்ளார்.

ஆஸ்திரேலிய அணி...

அதன்படி, 2017-ம் ஆண்டு காரைக்குடி காளை அணியிலும், 2018-ம் ஆண்டு திண்டுக்கல் டிராகன்ஸ் அணிக்காகவும் நிவேதன் விளையாடியுள்ளார். கடந்த 2019-ம் ஆண்டு ஆஸ்திரேலிய மிக இளையோர் அணியில் இணைந்த அவர், அந்த ஆண்டு பாகிஸ்தான் அணிக்கு எதிரானப் போட்டியிலும் விளையாடினார். கடந்தாண்டு நடைபெற்ற ஐ.பி.எல். தொடரில் டெல்லி கேபிட்டல்ஸ் அணியில் நெட் பந்துவீச்சாளராகவும் நிவேதன் இருந்துள்ளார்.

3 விக்கெட்களை...

கடந்தாண்டு ஆஸ்திரேலிய உள்நாட்டு அணியான டாஸ்மானியன் டைகர்ஸ் அணிக்காக நிவேதன் ராதாகிருஷ்ணன் ஒப்பந்தம் செய்யப்பட்டார். இந்நிலையில், அண்டர் 19 உலகக்கோப்பையில் தாம் விளையாடிய முதல் போட்டியிலேயே நிவேதன் ராதாகிருஷ்ணன் முத்திரை பதித்துள்ளார். 19 வயதுக்கு உட்பட்டோருக்கான உலகக் கோப்பை தொடர், மேற்கிந்தியத் தீவுகளில் துவங்கி நடைபெற்று வருகிறது. இதில் மேற்கிந்திய தீவுகள், ஆஸ்திரேலிய அணிகள் மோதின. இந்தப் போட்டியில் ஆஸ்திரேலிய அணியில் இடம்பிடித்த நிவேதன் ராதாகிருஷ்ணன், மூன்று விக்கெட்டுகளை சாய்த்து அசத்தினார். இதன்மூலம் ஆஸ்திரேலிய அணியின் வெற்றிக்கு முக்கிய காரணமாக நிவேதன் விளங்கினார்.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து