சுசி கணேசன் தேடும் வருங்கால சூப்பர் ஸ்டார்

4 வி என்டர்டெயின்மென்ட் நிறுவனம் சார்பில் மஞ்சரி சுசிகணேசன் தயாரிக்கும் படம் வஞ்சம் தீர்த்தாயடா, படம் குறித்து படத்தின் தயாரிப்பாளர் மஞ்சரி சுசிகணேசன் பேசும்போது "ஏற்கனவே இந்தியில் இரண்டு படங்களை தயாரித்து இருக்கிறோம் .இது தமிழில் எங்களது முதல் தயாரிப்பாகும், இந்த படத்தில் கதாநாயகன் தொலைக்காட்சி மூலமாக தேர்வாக உள்ளார் என்றார். மேலும் தங்கள் நிறுவனத்தின் அடுத்த படைப்பாக ராணி வேலுநாச்சியார்  வாழ்க்கை வரலாற்று படத்தின் ஆரம்பகட்ட வேலைகள் தற்போது துவங்கியிருக்கின்றன என்றார். இயக்குனர் சுசி கணேசன் கூறும்போது,  ஒரு படத்திற்காக டேலண்ட் ஹன்ட் ஷோ நடத்தி ஒரு ஹீரோவை தேர்ந்தெடுப்பது தமிழ் சினிமாவில் இதுவே முதல் முறை என்று கூறினார்.