எச்.வினோத் இயக்கத்தில் அஜித், ஹீமா குரேஷி, கார்த்திகேயா உள்ளிட்ட பலர் நடிப்பில் உருவாகியுள்ள படம் வலிமை. இப்படம் இந்த வாரம் 24ஆம் தேதி வெளியாகவுள்ள நிலையில், படத்தின் வில்லன் கார்த்திகேயா செய்தியாளர்களைச் சந்தித்தார். அப்போது பேசிய அவர்,வலிமை பட வாய்ப்பு கிடைத்தபோது தமிழில் அறிமுகமாக நமக்கு ஒரு வாய்ப்பு என்று மட்டும்தான் நினைத்தேன். ஆனால், அஜித்தை சந்தித்த பிறகு வெறும் தமிழ் சினிமா வாய்ப்பு என்பதைத் தாண்டி வாழ்நாள் முழுவதும் எனக்கு தேவையானவற்றை கற்றுகொள்ளவதற்கான வாய்ப்பாக இந்தப் படம் அமைந்துவிட்டது என்றார். அஜித் அமர்ந்து  பேசும்போது நமக்கு மிகவும் மரியாதையும் முக்கியத்துவமும் கொடுப்பார். அவர் அப்படிச் செய்யும்போது நம்மை அறியாமலேயே வேலையை இன்னும் சிறப்பாகச் செய்வோம். அஜித் சாரிடம் இருந்து கற்ற இந்த ஒரு விஷயத்தை வாழ்நாள் முழுவதும் நான் கடைபிடிக்க வேண்டும் என்று முடிவெடுத்திருக்கிறேன். அவருடைய படங்கள், அவருடைய நடிப்பு என்பதைத் தாண்டி தனிநபராகவும் அஜித் சாரை நிறைய பேருக்கு பிடித்திருக்கிறது". இவ்வாறு நடிகர் கார்த்திகேயா தெரிவித்தார். காலா படத்தில், ரஜினிகாந்தின் முன்னாள் காதலியாக அறிமுகமான ஹுமா குரேஷி தற்போது, அஜித்துக்கு ஜோடியாக 'வலிமை' படத்தில் நடித்துள்ளார். இந்த படத்தில் அஜித்துக்கு நிகராக இவர் செய்துள்ள சண்டை காட்சிகள் ரசிகர்களை பெரிதும் கவர்ந்துள்ளது.