டி.ராஜேந்தர் நல்ல நிலையில் உள்ளார் : மருத்துவமனை டாக்டர்கள் தகவல்

சென்னை : உடல்நலக்குறைவு காரணமாக போரூர் தனியார் மருத்துவமனையில் அனுமதிக்கப்பட்டிருந்த நடிகர் டி.ராஜேந்தர்  நல்ல நிலையில் உள்ளதாக டாக்டர்கள் தெரிவித்துள்ளனர். 

திடீர் உடல் நலக்குறைவு காரணமாக, கடந்த 19-ம் தேதி சென்னை போரூரில் உள்ள தனியார் மருத்துவமனையில் நடிகர் டி. ராஜேந்தர் உள்நோயாளியாக அனுமதிக்கப்பட்டார்.

அவரை பரிசோதித்த இருதயவியல் துறை மருத்துவர்கள், அவருக்கு இருதயத்திற்கு செல்லக்கூடிய ரத்தக் குழாய், வால்வுகளில் அடைப்பு ஏற்பட்டு, அதன் காரணமாக தொடர் மருத்துவ சிகிச்சை மேற்கொண்டு வருவதாகவும், தற்போது, நல்ல முறையில் அவர் இருப்பதாகவும் தெரிவித்துள்ளனர்.