முக்கிய செய்திகள்
Idhayam Matrimony

மாய கங்கா பாடலை வெளியிட்ட ஜி.கே. ரெட்டி

திங்கட்கிழமை, 4 ஜூலை 2022      சினிமா
GK-Reddy 2022 07 04

Source: provided

என்.கே. புரொடக்ஷ்ன்ஸ் சார்பில் திலகராஜ் பல்லால் தயாரித்திருக்கும் படம் பனாரஸ். இந்த திரைப்படம் கன்னடம், தமிழ், தெலுங்கு, மலையாளம் மற்றும் இந்தி மொழியிலும் வெளியாகிறது. அஜனீஸ் லோக்நாத் இசையமைப்பில் உருவாகி இருக்கும் பனாரஸ் படத்தில் இடம்பெற்ற ‘மாய கங்கா..’ எனத் தொடங்கும் முதல் பாடல் வெளியீட்டு விழா சென்னையில் நடைபெற்றது. இந்த விழாவில், ஜி.கே. ரெட்டி சிறப்பு விருந்தினராக கலந்து கொண்டு முதல் பாடலை வெளியிட்டார். இவ்விழாவில் இப்படத்தின் இயக்குநர் ஜெய தீர்த்தா பேசுகையில், பனாரஸ் படத்தில் காசியை பின்னணியாக கொண்ட காதல் கதையை உருவாக்கி இருக்கிறேன். திரைப் படைப்புகளுக்கு மொழி பேதம் இல்லை. பனாரஸ் திரைப்படம் தமிழிலும் வெளியாவதை பாக்கியமாக கருதி, உங்களின் ஆதரவை கேட்கிறேன் என்றார். இந்த படத்தில் இடம்பெற்ற பாடல்களை தமிழில் பாடலாசிரியர் பழனி பாரதி எழுதியுள்ளார். 

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து

கிட்சன் சமையல் - ருசித்து பாருங்க!!