ஒற்றைக்காலுடன் நடனம் ஆடிய பிரபுதேவா

டார்க் ரூம் பிக்சர்ஸ் மற்றும் மினி ஸ்டுடியோஸ் தயாரிப்பில் சந்தோஷ் பி.ஜெயக்குமார் இயக்கியிருக்கும் படம் பொய்க்கால் குதிரை. பிரபுதேவா நாயகனாக நடித்திருக்கும் இந்த படத்தில், வரலட்சுமி சரத்குமார், ஜான் கொக்கேன், ஜெகன், பரத், குழந்தை நட்சத்திரம் பேபி ஆரியா உள்பட பலர் நடித்திருக்கிறார்கள். பள்ளூ ஒளிப்பதிவு செய்திருக்கும் இந்த படத்திற்கு டி. இமான் இசை அமைத்துள்ளார்.. இந்நிலையில், இந்தப் படத்தின் இசை வெளியீட்டு விழா நடைபெற்றது. விழாவில் பிரபுதேவா பேசுகையில், இந்த படத்தில் ஒற்றைக்காலுடன் நடனமாட வேண்டி இருந்தது. இந்தப் படத்தின் நடன இயக்குநர் சதீஷ், இதனை நன்றாக வடிவமைத்திருந்தார். அவர் உதவியாளர்கள் என்னை விட நன்றாக ஆடினார்கள். அவர்களுக்கு என் பாராட்டுகள். அதேபோல் படத்தில் ஒற்றைக்காலுடன் சண்டைக் காட்சிகளில் நடித்த போது எந்த சிரமமும் இல்லை . சண்டை பயிற்சி இயக்குநர் தினேஷ் காசி, ஒவ்வொரு காட்சியையும் எளிதாகவும், விரைவாகவும், நேர்த்தியாகவும் படமாக்கினார் என்று கூறினார். இந்த பொய்க்கால் குதிரை படம் ஆகஸ்ட் 5-ம் தேதியன்று வெளியாகிறது.