தொடர்ந்து 3-வது நாளாக மேட்டூர் அணை நீர்வரத்து 15 ஆயிரம் கன அடியாக நீடிப்பு

சேலம் : மேட்டூர் அணை நீர்வரத்து தொடர்ந்து 3-வது நாளாக 15 ஆயிரம் கன அடியாக நீடித்து வருகிறது.

காவிரியின் நீர்பிடிப்பு பகுதிகளில் மழை குறைந்ததால் மேட்டூர் அணைக்கு வரும் நீரின் அளவு நேற்று காலை 3-வது நாளாக வினாடிக்கு 15,000 கன அடியாக நீடித்து வருகிறது. 

நேற்று காலை மேட்டூர் அணையின் நீர் மட்டம் 120 அடியாக இருந்தது. அணைக்கு  வினாடிக்கு 15,000 கனஅடி வீதம் தண்ணீர் வந்து கொண்டிருந்தது. அணையில் இருந்து காவிரி டெல்டா பாசனத்திற்கு வினாடிக்கு 15,000 கன அடி வீதம் தண்ணீர் திறக்கப்பட்டு வருகிறது.   

கிழக்கு-மேற்கு கால்வாய் பாசனத்திற்கு திறக்கப்படும் நீரின் அளவு வினாடிக்கு 600 கன அடியிலிருந்து வினாடிக்கு 800 கன அடியாக அதிகரிக்கப்பட்டுள்ளது. அணையின் நீர் இருப்பு 93.47 டி.எம்.சி.யாக உள்ளது.