முக்கிய செய்திகள்
Idhayam Matrimony

தி.மு.க. தலைவர், பொதுச்செயலாளர் பதவிக்கு 7-ம் தேதி வேட்பு மனுக்கள் பெறப்படும்: துரைமுருகன்

வெள்ளிக்கிழமை, 30 செப்டம்பர் 2022      தமிழகம்
Durai-Murugan 2022--09-30

Source: provided

சென்னை : தி.மு.க. தலைவர் மற்றும் பொது செயலாளர் பதவிக்கு வரும் 7-ம் தேதி வேட்பு மனுக்கள் பெறப்படும் என்று துரைமுருகன் அறிவித்துள்ளார். 

இது குறித்து அவர் வெளியிட்டுள்ள அறிக்கையில்,  தி.மு.க. 15-வது பொதுத் தேர்தலில் தேர்ந்தெடுக்கப்பட்டுள்ள தகுதியுள்ள ஒன்றிய,நகர, நகரிய பேரூர், பகுதி செயலாளர்கள், மாவட்ட, மாநகர செயலாளர்கள் மற்றும் நிர்வாகிகள், தலைமைச் செயற்குழு, பொதுக்குழு உறுப்பினர்கள் அடங்கிய புதிய பொதுக்குழுக் கூட்டம் வருகிற 9-ம் தேதி (ஞாயிற்றுக்கிழமை) காலை 9 மணிக்கு சென்னை, அமைந்தகரை, பச்சையப்பன் கல்லூரி எதிரில் உள்ள செயின்ட் ஜார்ஜ் பள்ளி விங்க்ஸ் கன்வென்ஷன் சென்டரில் நடைபெறும். 

அப்போது தி.மு.க. தலைவர், பொதுச்செயலாளர், பொருளாளர் மற்றும் நான்கு தணிக்கைக் குழு உறுப்பினர்களுக்கான தேர்தல் நடைபெறும். மேற்கண்ட பொறுப்புகளுக்கான வேட்பு மனுக்கள் 7-10-2022 வெள்ளிக் கிழமை அன்று காலை 10 மணி முதல் மாலை 5 மணி வரையில் தலைமைக் கழகத்தில் பெற்றுக் கொள்ளப்படும். 

இப்பொறுப்புகளுக்கு போட்டியிடுவோர் வேட்பு மனு கட்டணமாக ரூ.50 ஆயிரம் அளித்து ரசீது பெற்றுக்கொள்ள வேண்டும். தலைவர், பொதுச்செயலாளர், பொருளாளர் மற்றும் நான்கு தணிக்கைக் குழு உறுப்பினர்கள் ஆகிய பொறுப்புகளுக்கு போட்டியிடுவோர்களைப் பொதுக் குழு உறுப்பினர்கள் (தலைமைச் செயற்குழு உறுப்பினர் உட்பட) 5 பேர் முன்மொழிய, 5 பேர் வழி மொழிய வேண்டும். அனைத்து நடைமுறைகளிலும் கட்சித் தேர்தல் விதிமுறைகளைக் கடைப்பிடிக்க வேண்டும் என்று அவர் கூறி உள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து