முக்கிய செய்திகள்
Idhayam Matrimony

தினசரி பாதிப்பு 3,094 ஆக உயர்வு: கொரோனாவுக்கு சிகிச்சை பெறுவோர் எண்ணிக்கை 15 ஆயிரத்தை தாண்டியது

வெள்ளிக்கிழமை, 31 மார்ச் 2023      இந்தியா
India-Corona 2023-01-08

Source: provided

புதுடெல்லி : நாட்டில் தினசரி பாதிப்பு 3,094 ஆக உயர்ந்துள்ளது. இதனை அடுத்து கொரோனாவுக்கு சிகிச்சை பெறுவோர் எண்ணிக்கை 15 ஆயிரத்தை தாண்டியுள்ளது.

கொரோனா பாதிப்பு கடந்த சில நாட்களாக மீண்டும் உயர்ந்து வருவதால் ஆஸ்பத்திரிகளில் சேர்க்கப்படுவோரின் எண்ணிக்கையும் தொடர்ந்து அதிகரித்து வருகிறது. நேற்று காலை 8 மணி வரையிலான கடந்த 24 மணி நேரத்தில், புதிதாக 3,094 பேருக்கு தொற்று கண்டறியப்பட்டுள்ளதாக மத்திய சுகாதாரத்துறை தெரிவித்துள்ளது. பாதிப்பு நேற்று முன்தினம் 3 ஆயிரத்தை தாண்டி இருந்தது. அதாவது நேற்று முன்தினம் 3,016 பேர் பாதிக்கப்பட்டிருந்த நிலையில் நேற்று மேலும் அதிகரித்துள்ளது.

இதில் அதிகபட்சமாக மகாராஷ்டிராவில் 694, கேரளாவில் 654, குஜராத்தில் 381, டெல்லியில் 295, கர்நாடகாவில் 288, தமிழ்நாட்டில் 123, அரியானாவில் 115, இமாச்சலபிரதேசத்தில் 124, கோவாவில் 108 பேருக்கு தொற்று கண்டறியப்பட்டுள்ளது. இதுவரை பாதிக்கப்பட்டவர்களின் மொத்த எண்ணிக்கை 4 கோடியே 47 லட்சத்து 15 ஆயிரத்து 786 ஆக உயர்ந்தது. தொற்றின் பிடியில் இருந்து நேற்று முன்தினம் 1,390 பேர் நலம் பெற்றுள்ளனர். இதுவரை குணம் அடைந்தவர்களின் மொத்த எண்ணிக்கை 4 கோடியே 41 லட்சத்து 69 ஆயிரத்து 711 ஆக உயர்ந்துள்ளது.

கொரோனாவுக்கு சிகிச்சை பெறுபவர்களின் எண்ணிக்கை நேற்று முன்தினத்தைவிட 1,699 அதிகரித்துள்ளது. தற்போதைய நிலவரப்படி 15,208 பேர் ஆஸ்பத்திரிகளில் சிகிச்சை பெற்று வருகிறார்கள். இதில் அதிகபட்சமாக கேரளாவில் 3,852 பேர், மகாராஷ்டிராவில் 3,016 பேர், குஜராத்தில் 2,247 பேர், கர்நாடகாவில் 1,037 பேர் சிகிச்சையில் உள்ளனர்.

தொற்று பாதிப்பால் நேற்று முன்தினம் குஜராத், கோவாவில் தலா ஒருவர் இறந்துள்ளனர். கேரளாவில் விடுபட்ட இறப்புகளில் 3-ஐ கணக்கில் கொண்டு வந்துள்ளனர். இதனால் மொத்த பலி எண்ணிக்கை 5 லட்சத்து 30 ஆயிரத்து 867 ஆக உயர்ந்துள்ளது. இதற்கிடையே நேற்று முன்தினம் நாடு நாடு முழுவதும் 1,18.694 மாதிரிகள் பரிசோதனை செய்யப்பட்டுள்ளதாக சுகாதாரத்துறை தெரிவித்துள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தொண்டை வலி குணமாக | தொண்டைகரகரப்பு நீங்க | தொண்டை கட்டு | குரல் கம்மல் | தொண்டை எரிச்சல் 1 week 4 days ago மலச்சிக்கல் குணமாக | ஜீரண சக்தி உண்டாக | மலக்கட்டு நீங்க - சித்த மருத்துவ குறிப்புக்கள் 2 months 6 hours ago சொறி, சிரங்கு, படை குணமாக | நரம்பு சிலந்தி | படர்தாமரை நீங்க | தோல் நோய் | குஷ்டம் குணமாக 2 months 3 days ago
காய்ச்சல் குணமாக | மலேரியா காய்ச்சல் | டைபாய்டு காய்ச்சல் குணமாக | பித்த ஜுரம் | சளி காய்ச்சல் குணமாக - சித்த மருத்துவ குறிப்புக்கள் 2 months 3 days ago பேதி நிற்க | சீதபேதி குணமாக | உஷ்ண பேதி | கழிச்சல் | இரத்த கழிச்சல் குணமாக 2 months 4 days ago கல்லடைப்பு தீர | சிறுநீரக கோளாறு நீங்க | சிறுநீரக கல் கரைய - சித்த மருத்துவ குறிப்புக்கள் 2 months 4 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.