உலக பெரும் பணக்காரர்கள் பட்டியலில் மீண்டும் முதலிடம் பிடித்தார் எலான் மஸ்க்

வாஷிங்டன், அர்னால்ட்டை பின்னுக்கு தள்ளி எலோன் மஸ்க் மீண்டும் உலகின் நம்பர் ஒன் பணக்காரர் என்ற பட்டத்தினைப் பெற்றார். 

எலோன் மஸ்க் தனது ஸ்பெஸ் எக்ஸ் ராக்கெட்டினால் உலகினை திரும்பி பார்க்க வைத்தவர். அதன்பிறகு தானியங்கி எலக்ட்ரிக் காரான டெஸ்லாவினை தயாரித்தார். கார் வெளியான சில நாள்களிலே டெஸ்லாவின் பங்குகள் பல மடங்கு உயர்ந்ததால் உலகின் நம்பர் ஒன் பணக்காரர் என்ற பெருமையை பெற்றிருந்தார்

பின்னர் எல்.வி.எம். ஹெச்-ன் பங்குகள் எகிறியதால் அதன் உரிமையாளரான பெர்னார்ட் அர்னால்ட், எலோன் மஸ்க்கை பின்னுக்கு தள்ளிவிட்டு உலகின் நம்பர் ஒன் பணக்காரர் ஆனார். ஆனால் தற்போது எல்.வி.எம். ஹெச்-ன் பங்குகள் 2.6 சதவிதம் சரிந்துள்ளது. அதாவது அதன் சந்தை மதிப்பு ஏறக்குறைய 10 சதவிதம் குறைந்துள்ளதாக தெரிகிறது. 

 இது அவரின் உலகின் நம்பர் ஒன் பணக்காரர் என்ற பட்டத்தினைப் பாதித்துள்ளது. இதன் காரணமாக இரண்டாம் இடத்தில் இருந்த எலோன் மஸ்க் மீண்டும் உலகின் நம்பர் ஒன் பணக்காரர் என்ற பட்டத்தினைப் பெற்றார். இதனிடையில் சில மாதங்கள் அமேசான் உரிமையாளர் ஜெப் பெசோஸூம் உலகின் பணக்காரர் பட்டியலில் நம்பர் ஒன் இடத்தில் இருந்தது குறிப்பிடத்தக்கது.