பயணத்தில் திடீர் மாற்றம்: இன்று தமிழகம் வருகிறார் மத்திய அமைச்சர் அமித்ஷா

சென்னை, மத்திய அமைச்சர் அமித் ஷா இன்று (ஜூன் 10) தமிழகம் வரவுள்ளதாக தகவல் வெளியாகியுள்ளது.

பாஜக மையக்குழுக் கூட்டத்தில் அவர் கலந்து கொள்ள உள்ளார். இந்த பயணத்தின்போது தமிழகத்தின் முக்கிய அரசியல் கட்சித் தலைவர்களையும் அவர் சந்திக்க இருப்பதாக தகவல் வெளியாகியுள்ளது. நாளை (ஜூன் 11) மதியம் வேலூரில் நடைபெறும் பொதுக்கூட்டத்தில் அவர் பங்கேற்க உள்ளார். 

முன்னதாக உள்துறை அமைச்சர் அமித் ஷா நாளை (ஜூன் 11) தமிழகம் வரவுள்ளதாக தகவல் வெளியாகியிருந்தது. இந்த நிலையில், அந்த பயணத்தில் திடீர் மாற்றம் செய்யப்பட்டு இன்று அவர் தமிழகம் வரவுள்ளது குறிப்பிடத்தக்கது.

மேலும் அடுத்த இரண்டு நாள்களில் 4 மாநிலங்களில் பொதுக்கூட்டங்களில் கலந்து கொள்கிறார் உள்துறை அமைச்சர் அமித்ஷா. உள்துறை அமைச்சர் அமித் ஷா ஆந்திரத்தின் விசாகப்பட்டினத்தில் நாளை (ஜூன் 11) பொதுக்கூட்டத்தில் கலந்து கொள்ள உள்ளார். இந்தக் கூட்டத்தில் பாஜகவின் அரசியல் திட்டங்கள் குறித்தும், அரசியல் கூட்டணி குறித்தும் அவர் அறிவிப்பார் என எதிர்பார்க்கப்படுகிறது.  குஜராத் மற்றும் மகாராஷ்டிரத்தில் இன்று (ஜூன் 10) நடைபெறும் பொதுக்கூட்டத்தில் கலந்து கொண்டு அவர் பேசுகிறார். ஆந்திரத்தில் பொதுக்கூட்டத்தில் கலந்து கொள்வதற்கு முன்பாக தமிழகத்தின் வேலூரில் நடைபெறும் பொதுக்கூட்டத்தில் அவர் உரையாற்ற உள்ளார் எனக் கூறப்பட்டுள்ளது.