அ.தி.மு.க. -பா.ஜ.க. கூட்டணி முறிவு மகிழ்ச்சியளிக்கிறது : சென்னையில் சீமான் பேட்டி

சென்னை :  அதிமுக- பாஜக கூட்டணி பிரிந்துள்ளதை வரவேற்பதாக நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார். 

அ.தி.மு.க. பொதுச்செயலாளர் எடப்பாடி பழனிசாமி தலைமையில் நேற்று நடந்த மாவட்ட செயலாளர்கள்  கூட்டத்தில் பா.ஜ.க.வுடனான கூட்டணியை முறித்துக் கொள்வதாக முடிவு எடுக்கப்பட்டது. அதன்படி, பா.ஜ.க.வுடன் கூட்டணி இல்லை என அ.தி.மு.க. அதிகாரப்பூர்வமாக அறிவித்துள்ளது. 

இந்த நிலையில், பா.ஜ.க. - அ.தி.மு.க. பிரிந்துள்ளது மகிழ்ச்சியளிக்கிறது என நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார். இது தொடர்பாக அவர் கூறியதாவது; 

பா.ஜ.க. கூட்டணியில் இருந்து அ.தி.மு.க. பிரிந்துள்ளது மிகிழ்ச்சிக்குரியது. பா.ஜ.க. - அ.தி.மு.க. பிரிந்தால் வரவேற்பதாக முன்னதாக தெரிவித்து இருந்தேன். தற்போது அதிகாரபூர்வமாக அறிவித்துள்ளார்கள். 

தமிழகத்தில் பா.ஜ.க, காங்கிரஸ் இரண்டும் வேண்டாம். பா.ஜ.க.வுடன் கூட்டணி வைக்க மாட்டேன் என முன்னாள் முதல்வர்  ஜெயலலிதா கூறி இருந்தார். அதனை அவர் கடைசி வரை பின்பற்றினார்.  

அதனை தொடர்ந்து வந்த அ.தி.மு.க., பா.ஜ.க.வுடன் கூட்டணியில் இருந்தார்கள். தற்போது கூட்டணியில் இருந்து விலகுவதாக எடப்பாடி பழனிசாமி கூறியுள்ளதை வரவேற்கிறோம். இவ்வாறு அவர் கூறினார்.