முக்கிய செய்திகள்

மறைந்த பாபு ஜெகஜீவன்ராம் 104-வது பிறந்த தினம்: தலைவர்கள் மரியாதை

புதன்கிழமை, 6 ஏப்ரல் 2011      இந்தியா
Babu Jagjivan Ram

 

புதுடெல்லி,ஏப்.- 6 - மறைந்த முன்னாள் துணைப்பிரதமர் பாபு ஜெகஜீவன்ராம் 104-வது பிறந்த தினம் நேற்று கொண்டாடப்பட்டது. இதனையொட்டி டெல்லியில் உள்ள அவரது நினைவிடத்தில் தலைவர்கள் மலர்வளையம் வைத்து மரியாதை செலுத்தினர். சர்வமத பிரார்த்தனையும் நடைபெற்றது. டாக்டர் அம்பேத்கருக்கு பிறகு ஹரிசன மக்களின் தலைவராகவும் இந்திரா காந்திக்கு நம்பிக்கைக்கு பாத்தியமானவராகவும்ம விளங்கியவர் பாபு ஜெகஜீவன்ராம். அவர் 15 ஆண்டுகளுக்கும் மேலாக மத்திய அமைச்சராக இருந்தவர். மத்தியில் ஜனதா கட்சி ஆட்சியை பிடித்தபோது பிரதமர் பதவிக்கு ஆசைப்பட்டார். பின்னர் இவருக்கு துணைப்பிரதமர் பதவி கொடுக்கப்பட்டது. ஜனதா அரசுக்கு பின்னர் தனிக்கட்சி தொடங்கி நடத்தினார். அவரது 104- பிறந்த தினம் நேற்று நாடு முழுவதும் கொண்டாடப்பட்டது. பாராளுமன்ற வளாகத்தில் உள்ள அவரது சிலைக்கு பிரதமர் மன்மோகன் சிங், லோக்சபை சபாநாயகர் மீரா குமார், ஐக்கிய முற்போக்கு கூட்டணி தலைவர் சோனியா காந்தி ஆகியோர் மலர்தூவி அஞ்சலி செலுத்தினர். இதனையொட்டி பாராளுமன்ற வளாகத்தில் நடைபெற்ற நிகழ்ச்சியில் மத்திய அமைச்சர்கள், எம்.பி.க்கள், லோக்சபை, ராஜ்யசபை செயலாளர்கள் முறையே டி.கே. விஸ்வநாதன், வி.கே. அக்னிஹோத்ரி மற்றும் முக்கிய பிரமுகர்கள் கலந்துகொண்டனர். அந்த நிகழ்ச்சியில் ஜெகஜீவன்ராம் வாழக்கை குறிப்பு அடங்கிய  சிறு புத்தகங்களை லோக்சபை செயலாளர் டி.கே.விஸ்வநாதன் கொண்டுவந்து நிகழ்ச்சியில் கலந்துகொண்டவர்களுக்கு கொடுத்தார். பாராளுமன்றத்தில் ஜெகன்ஜீவன்ராம் சிலையை கடந்த 1995-ம் ஆண்டு அப்போது ஜனாதிபதியாக இருந்த சங்கர் தயாள் சர்மா திறந்துவைத்தார். 

முன்னதாக யமுனா நதிக்கரையில் இருக்கும் ஜெகஜீவன் ராம் நினைவகத்தில் துணை ஜனாதிபதி ஹமீத் அன்சாரி, லோக்சபை சபாநாயகர் மீரா குமார், மத்திய சமூக நீதி மற்றும் அதிகாரிகள் நலத்துறை அமைச்சர் முகுல் வாஸ்னிக், எம்.பி.க்கள் ஆகியோர் மலர்வளையம் வைத்து அஞ்சலி செலுத்தினர்.    

இதை ஷேர் செய்திடுங்கள்:

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2021 Copyright Thinaboomi. All Rights reserved. No reproduction of any sort is permitted.