`ஆதிபகவன்' படம்: இந்து அமைப்பினருக்கு காட்ட கோரிக்கை

செவ்வாய்க்கிழமை, 5 பெப்ரவரி 2013      தமிழகம்
Image Unavailable

 

சென்னை, பிப்.6: - ஆதிபகவன் திரைப்படத்தை இந்து அமைப்பினருக்கு திரையிட்டுக் காட்டிய பின்னரே திரையிட வேண்டும் என இந்து மக்கள்  கட்சியினர் கோரிக்கை விடுத்துள்ளனர். அமீரின்  இயக்கத்தில்  உருவான படம் ஆதிபகவன். இப்படம் விரைவில் வெளிவர உள்ளது. அதற்கான விளம்பரம் (டிரைவர்)  தற்போது வெளியிடப்பட்டுள்ளது. இந்த நிலையில் இப்படம் வெளியிடுவதை தடை செய்ய  வேண்டும். இந்து அமைப்பினருக்கு  ஆதிபகவன் திரைப்படத்தை திரையிட்டுக் காட்டிய பின்னரே வெளியிட வேண்டும் என முதல்வரின்  தனிப்பிரிவில்  இந்து மக்கள் கட்சியினர்  திங்கள்கிழமை கோரிக்கை மனு அளித்தனர். இது குறித்து அக்கட்சியின் மாநில அமைப்பாளர் கணபதி ரவி கூறியதாவது:- இந்து மதத்தை இழிவுபடுத்துவது போல தகவல்கள்

வெளியாகியுள்ளன. ஆகையால் ஆதிபகவன் திரைப்படத்தை இந்து அமைப்புகளுக்கு  திரையிட்டுக் காட்டிவிட்டு அதன்பின்னரே படத்தை வெளியிட வேண்டும். இந்தக் கோரிக்கைகளை வலியுறுத்தி மனு கொடுத்துள்ளோம் என்றார். 

இதை ஷேர் செய்திடுங்கள்: