உறைபனியில் சிக்கிய கப்பல்கள் மீண்டன

Image Unavailable

 

மாஸ்கோ, ஜன, 10 - அண்டார்க்டிக் கடலில் உறைபனியில் சிக்கிய இரு கப்பல்களும் மீண்டு, பனிப்பகுதியில் இருந்து விலகி, இயல்பான கடல்பகுதிக்குள் சென்றன.

ரஷிய ஆராய்ச்சிக் கப்பலான எம்.வி. அகாடமிக் ஷோகல்ஸ்கி கப்பல் 74 பயணிகளுடன் கடந்த டிசம்பர் 24 ஆம் தேதி அண்டார்டிக் கடலுக்குள் சென்றபோது, உறைபனியில் சிக்கியது. மிகத் தடிமனான பனிக்கட்டிகளால் சூழப்பட்ட அக்கப்பலால் நகர முடியவில்லை.

அக்கப்பலை மீட்கச் சென்ற சீனத்தின் ‘ஸ்னோ டிராகன்’ கப்பலும் உறைபனிக்குள் சிக்கியது. இதையடுத்து ஆஸ்திரேலியாவைச் சேர்ந்த மற்றொரு மீட்புக் கப்பல், மீட்புப் பணியில் ஈடுபடாமல், பாதுகாப்பான கடல்பகுதிக்கு திரும்ப அழைக்கப்பட்டது.

இதனிடையே, அமெரிக்காவின் உதவியை ரஷியா, சீனா மற்றும் ஆஸ்திரேலியா ஆகிய நாடுகள் கோரின. அமெரிக்க கடலோரக் காவல்படைக்குச் சொந்தமான பனி உடைப்புக் கப்பல் அங்கு விரைந்தது. அதற்குள்ளாக, உறைபனியில் சிக்கிக் கொண்டிருந்த இரு கப்பல்களும் தாங்களாகவே உறைபனியில் இருந்து விடுவித்துக் கொண்டன. இதைத்தொடர்ந்து, அமெரிக்க பனி உடைப்புக் கப்பல் மீட்புப்பணிக்குச் செல்லாமல், தன் வழக்கமான பணிக்குத் திரும்பியது.

ஆஸ்திரேலிய கடல் பாதுகாப்பு ஆணைய அதிகாரிகள் இத்தகவலை உறுதிப்படுத்தியுள்ளனர். அமெரிக்க கடலோரப் பாதுகாப்பு பிரிவு துணை அட்மிரல் பால் எப்.ஜுகுந்த் கூறுகையில், “எம்.வி. அகாடமிக் ஷோகல்ஸ்கி கப்பலும் ஸ்னோ டிராகன் கப்பலும் உறைபனியில் இருந்து விடுவித்துக் கொண்டன” என்றார்.

உறைபனியில் சிறிது வெடிப்பு ஏற்பட்டது. அதனைப் பயன்படுத்தி இரு கப்பல்களும் மெதுவாக நகர்ந்து, வழி ஏற்படுத்திக் கொண்டன. எம்.வி.ஷோகல்ஸ்கி கப்பல் தற்போது நியூஸிலாந்துக்கு அருகில் சென்று கொண் டிருக்கிறது. சீனாவின் ‘ஸ்னோ டிராகன்’ கப்பலும் தடிமனான பனி உள்ள பகுதியில் இருந்து, மென்மையான பனி உள்ள பகுதிக்கு நகர்ந்துவிட்டது எனத் தெரிவிக்கப்பட்டுள்ளது.

இதை ஷேர் செய்திடுங்கள்:

வீடியோ

இன்றைய தலைப்புச் செய்திகள் | Today's News Headlines 26.10.2021 காற்று மணியின் ஓசைகளை கேட்டு குஷியான நாய்...! முதலையை தோளில் போட்டு குத்தாட்டம் | சிலிர்க்க வைக்கும் வீடியோ வைரல்...!
பார்வையாளர்ளை வியப்பில் ஆழ்த்திய பாம்பு நடனம்...! ஆமையின் கண்ணீரை பருகும் வண்ணத்துப்பூச்சிகள்...! ஒரே நாளில் தலையில் உள்ள பேனை விரட்ட எளிய டிப்ஸ்| How To Get Rid Of Head Lice Completely,
நெற்றியில் ஒற்றை கண்ணுடன் பிறந்த ஆட்டுக்குட்டி...! இன்றைய தலைப்புச் செய்திகள் | Today's News Headlines 25.10.2021 இன்றைய தலைப்புச் செய்திகள் | Today's News Headlines 24.10.2021
ஹோம் வொர்க் பண்ணினா பூனைக்கு பிடிக்காது சிறுவனை டிஸ்டர்ப் செய்யும் வீடியோ வைரல்....! கீழே கிடக்கும் குப்பையை எடுத்து குப்பை தொட்டியில் போடும் யானை... Vaara Rasi Palan - 25.10.2021 to 31.10.2021 | Weekly rasi palan Tamil | வார ராசிபலன்