ராணுவ வாகன பேர ஊழல்: சிபிஐயிடம் அந்தோனி வாக்குமூலம்

புது டெல்லி, மே 8 - ராணுவ வாகன் கொல்முதல் ஒப்பந்த பேர ஊழல் புகார் தொடர்பாக பாதுகாப்புத் துறை அமைச்சர் அந்தோனி, பிரதமர் அலுவலக முன்னாள் ஆலோசகர் டி.கே.ஏ.நாயர் ஆகியோரிடம் வாக்குமூலங்களை பெற்றுள்ளதாக மத்திய புலனாய்வுத் துறை அறிவித்துள்ளது.

பொதுத்துறை நிறுவனமான பி.இ.எம்.எல் மூலம் 1,600 தாத்ரா கனரக டிரக்குகளை ராணுவத்துகாக கொள்முதல் செய்வதற்கான ஒப்பந்தத்தை வழங்க துணைத் தலைமைத் தளபதியாக இருந்த லெப்டினன்ட ஜெனரல் தேஜிந்தர் சிங் ரூ.14 கோடியை தனக்கு லஞ்சமாக அளிக்க முயன்றதாக ஜெனரல் வி.கே.சிங் குற்றம் சாட்டியிருந்தார். மேலும், இந்த ஒப்பந்தத்தை ரத்து செய்ய வேண்டும் என தான் செய்த பரிந்துறையை பிரதமரின் ஆலோசகராக இருந்த டி.கே.ஏ. நாயர் ஏற்க மறுத்ததாகவும் அவர் கூறியிருந்தார்.

இதையடுத்து எழுந்த சர்ச்சையைத் தொடர்ந்து இந்தப் புகார குறித்து வழக்குப் பதிவு செய்த சிபிஐ கடந்த இரண்டு ஆண்டுகளாக விசாரணை நடத்தி வருகிறது. இந்நிலையில் பாதுகாப்புத் துறை அமைச்சர் அந்தோனி, டி.கே.ஏ. நாயர் ஆகியோரின் வாக்குமூலங்களை சிபிஐ பதிவு செய்துள்ளது.