முக்கிய செய்திகள்
Idhayam Matrimony

தனித் தெலுங்கானா :காங்கிரஸ் எம்.எல்.ஏ ஆஸ்பத்திரியில் அனுமதி

திங்கட்கிழமை, 7 நவம்பர் 2011      இந்தியா
Image Unavailable

ஐதராபாத், நவ. - 8 - தனித் தெலுங்கானா கோரி உண்ணாவிரதம் இருந்து வந்த காங்கிரஸ் எம்.எல்.ஏ. கோமதிரெட்டி வெங்கடரெட்டி போலீசாரால் மருத்துவமனையில் சேர்க்கப்பட்டார்.  கோமதிரெட்டி கடந்த 1 ம் தேதி முதல் தனித் தெலுங்கானா கோரி காலவரையற்ற உண்ணாவிரதம் மேற்கொண்டு வருகிறார். அவரது உடல்நிலை மோசமடைந்தது. இது குறித்து அறிந்த மாநில சுகாதாரத் துறை அமைச்சர் ரவீந்திரரெட்டி, கோமதி ரெட்டியை மருத்துவமனையில் அனுமதிக்கும்படி போலீசாருக்கு உத்தரவிட்டார்.  கோமதி ரெட்டி மற்றும் அவருடன் உண்ணாவிரதம் இருந்தவர்கள் எதிர்ப்பு தெரிவித்ததையும் மீறி போலீசார் அவர்களை ஐதராபாத்தில் உள்ள நிஜாம் மருத்துவ அறிவியல் கல்வி நிறுவனத்தின் மருத்துவமனையில் அனுமதித்தனர். அங்கு மேற்கொள்ளப்பட்ட சிகிச்சையில் கோமதிரெட்டியின் சிறுநீரில் கீட்டோன் அளவு அதிகரித்தும், பொட்டாசியம் அளவு குறைந்தும் காணப்பட்டது கண்டறியப்பட்டது. இதற்கு தகுந்த சிகிச்சையும் உடனடியாக அவருக்கு வழங்கப்பட்டது. உண்ணாவிரதம் குறித்து கருத்து தெரிவித்த அகில இந்திய காங்கிரஸ் கட்சியின் பொதுச் செயலாளர்களில் ஒருவரான சுதாகர்ரெட்டி, கோமதி ரெட்டியின் உண்ணாவிரதம் குறித்து காங்கிரஸ் தலைவர் சோனியாவின் அரசியல் செயலர் அகமது பட்டேலுக்கு தகவல் தெரிவித்துள்ளதாக தெரிவித்தார். காங்கிரஸ் எம்.பியான சுசேந்தர் ரெட்டி கூறுகையில், விரைவில் தெலுங்கானா குறித்து முடிவெடுக்கும்படி மத்திய அரசை கோரியுள்ளதாக தெரிவித்தார். கோமதிரெட்டியின் உண்ணாவிரதத்துக்கு தெலுங்கானா ராஷ்டிரிய சமீதி மற்றும் தெலுங்கானா கூட்டு போராட்ட குழுவினரும் ஆதரவு தெரிவித்துள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 7 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 7 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 9 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 9 months ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.