ரஜினி கேங்க் திரை விமர்சனம்

நாயகன் ரஜினி கிஷனும், நாயகி திவிகாவும் ஊரை விட்டு ஓடிப்போகும் போது அவர்களுக்கு முனீஷ்காந்த் தனது காரில் லிப்ட் கொடுக்கிறார். வழியில் திருடன் கல்கியும் அந்த காரில் ஏறிக்கொள்ள, இவர்கள் ஏதோ ஒரு இடத்திற்கு சென்று விடுகிறார்கள். இந்நிலையில் ரஜினி கிஷன் திவிகா திருமணத்துக்கு பிறகு திவிகாவுக்கு பேய் பிடிக்க கதை வேறு பாதையில் பயணிக்கிறது. கடைசியில் இவர்களது பயணம் எங்கே போய் முடிகிறது என்பதே மீதிக்கதை. நாயகன் ரஜினி கிஷன், நடிப்பு ஆட்டம், காமெடி என அனைத்திலும் பட்டையை கிளப்புகிறார். நாயகி திவிகாவும், சிறப்பான நடிப்பைக் கொடுத்து அசத்தி இருக்கிறார். முனீஷ்காந்தும் கூல்சுரேஷும் வழக்கமான நடிப்பைக் கொடுத்து சலிப்பை ஏற்படுத்தி இருக்கிறார்கள். எம்.எஸ்.ஜோன்ஸ் ரூபெர்ட்டின் இசையும் சுமார் ரகமே. ஒளிப்பதிவாளர் என்.எஸ்.சதீஷ் குமார், கலர்புல்லாக படமாக்கியிருக்கிறார். எழுதி இயக்கியிருக்கும் எம்.எஸ்.ரமேஷ் பாரதி, காமெடி நடிகர்கள் மீது செலுத்திய கவனத்தை தனது திரைக்கதையில் செலுத்தியிருந்தால், படம் நிச்சயம் வெற்றி பெற்றிருக்கும். மொத்தத்தில், இந்த ‘ரஜினி கேங்க்’ படத்தை ஒரு முறை பார்க்கலாம்.