கூடலூர் வன அலுவலகத்தில் உதவி வரைவாளர் பணியிடத்தை நிரப்புவதற்கு விண்ணப்பங்கள் வரவேற்கப்படுகின்றன. இது தொடர்பாக கூடலூர் வன கோட்ட வன அலுவலர் திலீப் வெளியிட்டுள்ள செய்திக்குறிப்பு-
தமிழ்நாடு வனத்துறை, கூடலூர் வனக்கோட்ட அலுவலகத்தில் காலியாக உள்ள ஒரு உதவி வரைவாளர் பணியிடத்தினை நேரடி நியமனம் மூலம் நிரப்ப தகுதி வாய்ந்த பழங்குடி(எஸ்சி அருந்ததியர்) விண்ணப்பதாரர்களிடமிருந்து விண்ணப்பங்கள் வரவேற்கப்படுகின்றன. விண்ணப்பதாரர்கள் 18 முதல் 35 வயதிற்குள் இருக்க வேண்டும். 01.02.2017 அன்று 35 வயது மிகாமல் இருக்க வேண்டும். கல்வித்தகுதி டிப்ளமோ இன் சிவில் இஞ்சினியரிங் தேர்ச்சி பெற்றிருக்க வேண்டும். தகுதியுடையவர்கள் 10.03.2017 காலை 10 மணிக்கு கூடலூர் கோட்ட மாவட்ட வன அலுவலகத்திற்கு சுய ஒப்பமிட்ட கல்விச்சான்று, இருப்பிட சான்று, பிறப்பு சான்று, ஜாதி சான்று, வேலைவாய்ப்பு அலுவலகத்தில் பதிவு செய்யப்பட்டதற்கான பதிவு அட்டை, புகைப்படம் _2 மற்றும் சுய விலாசம் இட்ட அஞ்சல் உறை_2 ஆகியவற்றுடன் நேரில் ஆஜராகுமாறு கேட்டுக்கொள்ளப்படுகிறார்கள். இவ்வாறு அவர் தெரிவித்துள்ளார்.
