நெல்லை புத்தக கண்காட்சி -பொதுமக்கள் ஆர்வம்

நெல்லையில் புத்தக கண்காட்சி நடைபெற்று வருகிறது 4  வருடம் கழித்து இந்த கண்காட்சி நடைபெறுவதால் பொது மக்களிடத்தில் நல்ல வரவேற்பு பெற்றுள்ளது

புத்தக கண்காட்சி

பாளையங்கோட்டை வஉசி மைதானத்தில்  புத்தகத் திருவிழா நடைபெற்று வருகிறது , இந்த விழாவில் இதுவரை அமைச்சர் ராஜலட்சுமி, கலெக்டர் சந்தீப் நந்தூரி, மனோன்மணீயம் சுந்தரனார் பல்கலைக்கழக துணைவேந்தர் கி. பாஸ்கர் சாகித்ய அகாடமி விருது எழுத்தாளர்கள் வண்ணதாசன்,சு.வெங்கடேசன்,தோப்பில் முகம்மது மீரான், எழுத்தாளர்கள் நாறும்பூ நாதன்,திவான் மைதீன், கவிதா ஜவாஹர் ,  தேன்மொழி, தமயந்தி, திருநங்கை பாரதி கண்ணம்மா, மனநல மருத்துவர் கோ. ராமானுஜம் உட்பட பலர் கலந்து கொண்டு ஏற்கனவே பேசினர் , நிகழ்ச்சிகளில் பயிற்சி ஆட்சியர்  இளம்பகவத், தமிழ் பண்பாட்டு வளர்ச்சி மையத் துணைத் தலைவர் தி. ரமேஷ்ராஜா, கோட்டாட்சியர் இல. மைதிலி, வட்டாரப் போக்குவரத்து அலுவலர் ஜெ. சசி, எழுத்தாளர்கள், கவிஞர்கள், தமிழ் ஆர்வலர்கள் கலந்து கொண்டனர். புத்தக திருவிழாவுடன் தினந்தோறும் நிகழ்ச்சிகள் நடைபெறுவதால் பொதுமக்களின் கூட்டம் அதிகரித்து வருகிறது,அனைத்து அரங்குகளுக்கும் பொதுமக்கள் சென்று பார்வையிட்டு வருகின்ற்னர் ,அதோடு 4 ஆண்டுகளுக்கு பிறகு புத்தக கண்காட்சி நடப்பதால் கூட்டம் அதிகளவில் உள்ளது.