தோஹா : இந்திய துப்பாக்கி சுடுதல்வீரர் தீபக் குமார், அடுத்த ஆண்டு டோக்கியோவில் நடைபெற உள்ள ஒலிம்பிக் போட்டிக்கு தகுதி பெற்றுள்ளார்.
14-வது ஆசிய சாம்பியன்ஷிப் துப்பாக்கி சுடுதல் போட்டி தோஹாவில் நடைபெற்று வருகிறது. இதில் ஆடவருக்கான 10 மீட்டர் ஏர் ரைபிள் பிரிவில் இந்தியாவின் தீபக் குமார் இறுதி சுற்றில் 227.8 புள்ளிகள் சேர்த்து வெண்கலப் பதக்கம் வென்றார். இதன் மூலம் தீபக் குமார், அடுத்த ஆண்டு டோக்கியோவில் நடைபெற உள்ள ஒலிம்பிக் போட்டிக்கு தகுதி பெற்றுள்ளார். இதுவரை ஒலிம்பிக் போட்டிக்கு இந்தியாவில் இருந்து 10 பேர் தகுதி பெற்றுள்ளனர். இந்த வகையில் ஆசிய அளவில் சீனாவில் இருந்து அதிகபட்சமாக 25 பேரும், கொரியாவில் இருந்து 12 பேரும் இதுவரை தகுதி பெற்றுள்ளனர்.
