முக்கிய செய்திகள்
Idhayam Matrimony

கிளாப் விமர்சனம்

திங்கட்கிழமை, 14 மார்ச் 2022      சினிமா
Image Unavailable

Source: provided

விளையாட்டில் சாதிக்க நினைப்பவருக்கு ஏற்படும் பிரச்னைகள், அவற்றை கடந்து வெற்றி பெறுவது எப்படி என்பதன் பின்னணியைக் கொண்டு உருவாகியுள்ள படம் தான் கிளாப். கதை, ஓர் ஓட்டப்பந்தய வீரனாக சாதிக்க துடிக்கும் ஆதிக்கு விபத்து ஒன்றில் அவரது வலது கால் அகற்றப் பட்டு விடுகிறது. அதே நேரம் மாநில அளவிலான அத்லெட்டில் முதலாவதாக வந்த கிரிஷா குரூப் என்ற பெண் ஒரு குக் கிராமத்தில் அனாதையாக முடங்கிப் போயிருக்கும் நிலை உருவிகிறது. திறமை இருந்தும் விளையாட்டில் அவர் நிராகரிக்கப்படுவதை கண்டு போராடி, தன்னால் முடியாததை அந்த பெண்ணைக் கொண்டு சாதிப்பதே இப்படத்தின் கதை. மிருகம் படத்தின் மூலம் ஹீரோவாக எண்ட்ரி ஆன ஆதி பின், ஈரம், மரகத நாணயம் என பல படங்களைத் தொடர்ந்து இப்போது கிளாப் என்ற படத்தைக் கொடுத்துள்ளார். ஒரு கால் இல்லாமல் படும் அவஸ்தையை ரசிகர்களுக்குக் கடத்துவதில் அருமையாக நடித்துக் காட்டியுள்ளார். அழகு மங்கையாக வலம் வரும் ஹீரோயின் அகான்ஷா க்ளைமாக்ஸ் காட்சியில் அசர வைத்து விடுகிறார். கிருஷா குரூப் தடகள நாயகியாக நடித்து அசத்தியுளார். இசைஞானி இளையராஜாவின் பின்னணி இசை அபாரம். மொத்தத்தில் இந்த கிளாப் படத்தைக் கொடுத்த இயக்குனருக்கும் குழுவுக்கும் கொடுக்க வேண்டியது கிளாப் ஒன்றே. இந்த கிளாப் படம்  சோனி லைவ்வில் தற்போது வெளியாகியுள்ளது.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து

கிட்சன் சமையல் - ருசித்து பாருங்க!!