தனது ஆப் ஸ்டோரில் இருந்து டுவிட்டரை நீக்குவதாக ஆப்பிள் நிறுவனம் மிரட்டல்? எலான் மஸ்க் குற்றச்சாட்டு

தனது ஆப் ஸ்டோரில் இருந்து டுவிட்டரை நீக்குவோம் என்று ஆப்பிள் நிறுவனம் அச்சுறுத்தி வருவதாக எலான் மஸ்க் குற்றம் சாட்டியுள்ளார். 

டுவிட்டர் நிறுவனத்தை தன்வசம் படுத்தியது முதல் பல்வேறு அதிரடி மாற்றங்களை எலான் மஸ்க் செய்து வருகிறார்.  இந்நிலையில் ஆப்பிள் உள்ளிட்ட சில நிறுவனங்கள் டுவிட்டரை தங்களது ஆப் ஸ்டோரில் இருந்து நீக்க திட்டமிட்டிருப்பதாக டுவிட்டரில் மஸ்க் பதிவிட்டுள்ளார்.

ஆப்பிள் நிறுவனம் தனது ஆப் ஸ்டோரில் இருந்து டுவிட்டரை நிறுத்தி வைப்பதாக அச்சுறுத்தி உள்ளதாகவும் ஆனால் அதற்கான காரணத்தை கூறவில்லை என்றும் ஏற்கனவே ஆப்பிள் நிறுவனம் டுவிட்டரில் விளம்பரம் செய்வதை நிறுத்தி விட்டதாகவும் எலான் மஸ்க் தெரிவித்துள்ளார். பேச்சு சுதந்திரத்தை முடக்கும் நடவடிக்கையில் ஆப்பிள் ஈடுபட்டுள்ளதாகவும் அதுகுறித்து வாடிக்கையாளர்களுக்கும் தகவல் தெரிவிக்கப்படவில்லை என்றும் எலான் மஸ்க் குற்றம் சாட்டியுள்ளார். மேலும் அப்படி ஒரு சூழல் ஏற்பட்டால் ஆன்ட்ராய்டு, ஆப்பிள் போன்களுக்கு மாற்றாக புதிய ஸ்மார்ட்போனை உருவாக்குவதற்கு தவிர வேறு வழியில்லை என்றும் அவர் டுவீட் செய்துள்ளார்.