இரும்பன் இசை வெளியீட்டு விழா

ஜூனியர் எம்.ஜி.ஆர் நடிப்பில், இயக்குனர் கீரா இயக்கத்தில் உருவாகியுள்ள திரைப்படம் “இரும்பன்”. இத்திரைப்படத்தின் இசை வெளியீட்டு விழா சென்னை சத்யா மெட்ரிகுலேஷன் பள்ளியில் நடைபெற்றது. இந்நிகழ்ச்சியில் சீமான், திருமாவளவன் இருவரும் தணித்தணியே கலந்து கொண்டனர்., விழாவில் பேசிய சீமான், முதலில் இரும்பன் படத்திற்கு “குறவன்” என்ற பெயரையே வைத்திருந்தனர். அதனை நான் தான் மாற்ற சொன்னேன் என்று தெரிவித்த அவர், தமிழ் இனத்தின் ஆதிக்குடி குறவன் குடிதான். முதலில் மனிதன் பேசிய மொழி தமிழ் என்று கூறினார். திருமாவளவன் பேசுகையில், ”இரும்பன்” திரைப்படம் தமிழ் மக்களிடம் சென்றடைய வேண்டும் என்பதே எனது விருப்பம் என்று தெரிவித்தார். தொடர்ந்து பேசிய அவர்,  திரைப்படத்துறை ஒரு மிகப் பெரிய வணிக தளம். அதன்மூலம் அரசியல் மாற்றங்கள் ஏற்படுத்தக்கூடிய மாநிலமாக தமிழகம் உள்ளது என்று தெரிவித்தார்.