கோஸ்டி விமர்சனம்

முழுக்க நகைச்சுவைக்கு முக்கியம் கொடுத்து எடுக்கப்பட்டிருக்கும் படம் கோஸ்டி. காஜல் அகர்வால் கதாநாயகியாக நடித்திருக்கும் இந்தப் படத்தில் கே.எஸ்.ரவிக்குமார், யோகிபாபு, கிங்ஸ்லி, ஊர்வசி உள்ளிட்ட பலர் நடித்திருக்கிறார்கள். சிறப்புத்தோற்றத்தில் ஜெய், ராதிகா ஆகியோர் வருகிறார்கள். கே.எஸ்.ரவிக்குமார் பெரிய ரவுடி. அவர் சிறையிலிருந்து தப்புகிறார். தன்னைச் சிறைக்கு அனுப்பிய காவல்துறையினரைக் கொல்லத் திட்டமிடுகிறார். அதைத் தடுத்து கடமையாற்றத் துடிக்கிறார் காவல் ஆய்வாளரான காஜல் அகர்வால். பின்னர் என்ன நடக்கிறது? என்பதுதான் படம். நாயகி காஜல் அகர்வால் காக்கிச்சட்டை அணிந்திருந்தாலும் அதற்கான கம்பீரம் குறைவுதான். கே.எஸ்.ரவிக்குமார், யோகிபாபு உட்பட எல்லோருமே கதையின் தன்மை புரிந்து நடித்திருக்கிறார்கள். ஏற்கெனவே குலேபகாவலி, ஜாக்பாட் ஆகிய படங்களை இயக்கிய கல்யாண், சிரிப்புக்கு மட்டுமே முன்னுரிமை கொடுத்து இயக்கியிருக்கிறார். மொத்தத்ததில் இப்படம் சில இடங்களில் நம்மை சோதித்தாலும் பல இடங்களில் சிரிக்க வைக்கிறது.