சிசோடியாவுக்கு மேலும் 14 நாள் நீதிமன்றக் காவல் : டெல்லி கோர்ட் உத்தரவு

புதுடெல்லி : டெல்லி மதுபானக் கொள்கை முறைகேடு வழக்கில் மணீஷ் சிசோடியாவுக்கு மேலும் 14 நாள்கள் நீதிமன்றக் காவலில் வைக்க டெல்லி நீதிமன்றம் உத்தரவிட்டுள்ளது. 

விசாரணை காவல் முடிந்த நிலையில் டெல்லி நீதிமன்றத்தின் சிறப்பு நீதிபதி எம்.கே.நாக்பால் முன்னிலையில் மூத்த ஆம் ஆத்மி தலைவர் மணீஷ் சிசோடியா நேற்று ஆஜர்ப்படுத்தப்பட்டார். இந்நிலையில் மேலும் 14 நாள்கள் ஏப்ரல் 5-ம் தேதி வரை சிசோடியாவை சிறையில் அடைக்க டெல்லி நீதிமன்றம் உத்தரவிட்டுள்ளது. 

டெல்லி கலால் கொள்கையை உருவாக்கி அமல்படுத்தியதில் நடைபெற்றதாகக் கூறப்படும் ஊழல் தொடர்பாக டெல்லி துணை முதல்வர் மணீஷ் சிசோடியாவை மத்திய புலனாய்வுத் துறை(சிபிஐ) கைது செய்ததையடுத்து, மார்ச் 9ஆம் தேதி அமலாக்கத்துறையால் கைது செய்யப்பட்டு திகார் சிறையில் அடைக்கப்பட்டார். சிபிஐ விசாரித்து வரும் முக்கிய வழக்கில் சிசோடியாவின் ஜாமீன் மனு மீதான விசாரணையை மார்ச் 25ஆம் தேதிக்கு சிறப்பு நீதிமன்றம் ஒத்திவைத்தது குறிப்பிடத்தக்கது.