தங்கம், வெள்ளி விலை உயர்வு

சென்னை, சென்னையில் ஆபரணத் தங்கத்தின் விலை நேற்று சவரனுக்கு ரூ. 520 உயர்ந்து ரூ.53,760க்கு விற்பனையானது.

கடந்த சில மாதங்களாக உலகளவில் தங்கத்தின் மீது குவிந்து வரும் அதிகப்படியான முதலீடுகளால் தங்கத்தின் விலை தொடர்ந்து உயர்ந்து வருகிறது. வரலாறு காணாத இந்த விலையேற்றம் நடுத்தர மக்களிடம் பெரும் அதிர்ச்சியை ஏற்படுத்தியுள்ளது. தொடர்ந்து மூன்று நாட்களாக தங்கம் விலை குறைந்து வந்த நிலையில் நேற்று விலையில் எந்த மாற்றமும் இல்லை.

இந்நிலையில் நேற்று சற்று அதிகரித்தது. அதன்படி ஒரு கிராமுக்கு ரூ..65 உயர்ந்து ரூ.6,720க்கு விற்பனையானது. சவரனுக்கு ரூ.520 உயர்ந்து ரூ.53,760க்கு விற்பனையானது. வெள்ளி நேற்று முன்தினம் கிராமுக்கு ரூ.96க்கும், ஒரு கிலோ ரூ.96,000க்கும் விற்பனையானது. இந்நிலையில் நேற்று கிராமுக்கு ஒரு ரூபாய் 50 காசுகள் உயர்ந்து, ரூ.97.50க்கும் ஒரு கிலோ ரூ.1,500 உயர்ந்து ரூ.97,500க்கும் விற்பனையானது.