சாந்தனு அஞ்சலி நாயர் நடிக்கும் மெஜந்தா

பிராண்ட் பிளிட்ஸ் என்டர்டெயின்மென்ட் டாக்டர் ஜேபி லீலாராம், ரேகா லீலாராம் மற்றும் ராஜு வழங்கும் இயக்குநர் பரத் மோகன் இயக்கத்தில் சாந்தனு பாக்யராஜ்- அஞ்சலி நாயர் இணைந்து நடிக்கும் ’மெஜந்தா’ படத்தின் படப்பிடிப்பு சமீபத்தில் தொடங்கியது. துடிப்பான காதல்-நகைச்சுவைத் திரைப்படமாக உருவாக இருக்கும் இப்படத்தை ‘இக்லூ’ புகழ் பரத் மோகன் இயக்க எளிய முறையில் பூஜையுடன் இதன் படப்பிடிப்பு தொடங்கியது. தயாரிப்பாளர்கள் டாக்டர் ஜே.பி. லீலாராம், ரேகா லீலாராம் மற்றும் கே. ராஜு ஆகியோர் கூறுகையில், “கதைக்களம் பற்றி ஒன்லைனில் சொல்ல வேண்டும் என்றால் ’அவள் சூரிய உதயம், அவன் அந்தி சாயும் நேரம். இருவரும் - ஒருபோதும் சந்திக்க விரும்ப மாட்டார்கள். ஆனால், பிரபஞ்சம் அந்த நிகழ்வை ஒரே புள்ளியில் இணைக்கிறது’ என்ற கரு தான் இந்தப் படம்” என்றனர்.