மாமரம் திரைவிமர்சனம்

காதலி செய்த துரோகத்தால் காதலையும், காதலர்களையும் வெறுக்கும் நாயகன் ஜெய் ஆகாஷ், ஒரு மாமரத்தை தனது காதல் சின்னமாக பாதுகாத்து வளர்த்து வருகிறார். மாமரத்துக்கும் நாயகனுக்கும் உள்ள தொடர்பு என்ன என்பதை பல கிளைக்கதைகளுடன் சொல்வதே மாமரம் படம். ஜெய் ஆகாஷ் இளமை, மனநலம் பாதிக்கப்பட்டவர், சாமி பக்தர் என மூன்று விதமான தோற்றங்களில் வருகிறார். நாயகிகளாக மீனாட்சி மற்றும் சந்தியா இருவரும் கவர்ச்சியிலும் நடிப்பிலும் ஸ்கோர் செய்கிறார்கள். பவுல் பாண்டியின் ஒளிப்பதிவுக்காகவும் இசையமைப்பாளர் நந்தாவின் பாடல்களுக்காவும், ஜெய் ஹரிஷாந்தின் பின்னணி இசைக்காவும், ஏ.சி.மணிகண்டனின் படத்தொகுப்புக்கும் அவர்களை நிச்சயம் பாராட்டியே ஆக வேண்டும். எழுதி இயக்கியிருக்கும் ஜெய் ஆகாஷ் மிக மிக அரிதான மற்றும் வித்தியாசமான முயற்சியாக இப்படத்தின் திரைக்கதை சொல்லி இருக்கிறார். மொத்தத்தில், மாமரம் வளர வேண்டும்.