முக்கிய செய்திகள்

சாய் பாபா உடல்நிலையில் லேசான முன்னேற்றம்

திங்கட்கிழமை, 11 ஏப்ரல் 2011      இந்தியா
Baba 1

புட்டப்பர்த்தி,ஏப்.- 11 - பகவான் சத்ய சாயி பாபா உடல்நிலையில் லேசான முன்னேற்றம் ஏற்பட்டிருப்பதாக டாக்டர்கள் தெரிவித்துள்ளனர். சாயிபாபாவுக்கு திடீரென்று கடந்த மார்ச் மாதம் 28-ம் தேதி மூச்சு திணறலும் நெஞ்சு இருக்கமும் ஏற்பட்டது. உடனே அவர் மிகவும் நவீனமான புட்டப்பர்த்தி மருத்துவமனையில் அனுமதிக்கப்பட்டார். சிகிச்சை அளித்து வரும்போது சிறுநீரகமும் சரியாக வேலை  செய்ய வில்லை. இப்படி அவருக்கு பல உறுப்புகள் சரியாக வேலை செய்யாததால் நிபுணத்துவம் வாய்ந்த டாக்டர்கள் குழு அவருக்கு தொடர்ந்து சிகிச்சை அளித்து வந்தது. இதன் பயனாக அவரது உடல்நிலையில் லேசான முன்னேற்றம் ஏற்பட்டுள்ளது என்று டாக்டர்கள் தெரிவித்துள்ளனர். அவருக்கு அளிக்கப்படும் சிகிச்சை நல்ல பலனளிக்கிறது என்றும் அதேசமயத்தில் அவருக்கு தொடர்ந்து செயற்கை சுவாசம் பொருத்தப்பட்டுள்ளது என்றும் டாக்டர்கள் தெரிவித்தனர். 

இதை ஷேர் செய்திடுங்கள்: