முக்கிய செய்திகள்
Idhayam Matrimony

இளைஞர்கள் அரசியலுக்கு வர ராகுல்காந்தி அழைப்பு

செவ்வாய்க்கிழமை, 29 நவம்பர் 2011      இந்தியா
Image Unavailable

புதுடெல்லி, நவ.- 29 - இந்திய அரசியல் முறையில் ஊழல் மலிந்துகிடக்கிறது. இந்த ஊழலை அகற்ற இப்போதுள்ள இளைஞர்கள் அரசியலுக்கு வரவேண்டும் என்று ராகுல்காந்தி கேட்டுக்கொண்டுள்ளார். டெல்லியில் இளைஞர் காங்கிரஸ் மாநாடு நேற்று நடைபெற்றது. இந்த மாநாட்டில் காங்கிரஸ் கட்சியின் பொதுச் செயலாளரும், காங்கிரஸ் தலைவர் சோனியா காந்தியின் மகனுமான ராகுல்காந்தி கலந்துகொண்டு உரையாற்றினார். அப்போது அவர் கூறுகையில், நாட்டின் இப்போதைய அரசியல் முறையில் ஊழல் மலிந்துகிடக்கிறது என்றும் இந்த அரசியல் முறையை மாற்றி அமைக்க அதிகமான இளைஞர்கள் அரசியலுக்கு வரவேண்டும் என்றும் கேட்டுக்கொண்டார். நாட்டிலுள்ள மக்கள் எல்லோரும் இப்போது ஊழலைப் பற்றியே பேசுகிறார்கள். ஆனால் அந்த ஊழல் இப்போதைய அரசியல் முறையில்தான் அதிகமாக மண்டிக்கிடக்கிறது. இந்த ஊழலை ஒழிக்கவும், அரசியல் முறையை மாற்றி அமைக்கவும், அதிகமான இளைஞர்கள் அரசியலுக்கு வரவேண்டும் என்றும் அவர் கேட்டுக்கொண்டார். நாட்டிலுள்ள ஏழைகள் மற்றும் நலிவடைந்த பிரிவினருக்கு இளைஞர் காங்கிரசார் விழிப்புணர்வை ஏற்படுத்தி அவர்களின் நன்மைக்காக பாடுபட வேண்டும் என்று ராகுல்காந்தி கேட்டுக்கொண்டார். ஏழைகளிடமும் நலிவடைந்த மக்களிடமும் இதர பின்தங்கிய மக்களிடமும் இளைஞர் காங்கிரசார் சென்று அவர்களின் கரங்களை பிடித்து அவர்களின் பிரச்சனைகளை என்னவென்று கேட்டறியுங்கள். பிறகு அவர்களின் பிரச்சனைகளுக்காக போராடுங்கள் என்றும் அவர்  கேட்டுக்கொண்டார். ஏழைகள் நல்ல வாழ்க்கைத்தரத்தை பெற்றால் மட்டுமே இந்த நாடு முன்னேற்றமடையும் என்றும் அவர் கூறினார்.
நம்மிடம் இளைஞர் காங்கிரஸ் பிரிவில்  சுமார் ஒரு கோடி இளைஞர்கள் இருக்கிறார்கள்.  நாட்டிலேயே அதிகமான இளைஞர்களை கொண்ட அமைப்பு இளைஞர் காங்கிரஸ்தான். கடந்த 3 ஆண்டுகளில் இந்த சாதனையை இளைஞர் காங்கிரஸ் நிகழ்த்தியிருக்கிறது. ஜனநாயக முறையில் தேர்ந்தெடுக்கப்பட்ட இளைஞர் காங்கிரஸ் பிரதிநிதிகள்தான் இப்போது இங்கே இந்த மாநாட்டில் கூடியிருக்கிறார்கள். இந்த இளைஞர் காங்கிரஸ் பதவிகளுக்கு யாரும் தன்னிச்சையாக தேர்ந்தெடுக்கப்படவில்லை என்றும் அவர் கூறினார். இந்த இளைஞர் காங்கிரஸ் மாநாட்டில் நாடு முழுவதிலுமிருந்து சுமார் 8 ஆயிரம் இளைஞர் காங்கிரஸ் பிரதிநிதிகள் பங்கேற்றனர். ராகுல்காந்தி தற்போது இளைஞர் காங்கிரஸ் விவகாரங்களை பொறுப்பேற்று கவனித்து வருகிறார்.
 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago