சத்ருகன்சின்கா மீது நடவடிக்கை எடுக்க பாஜக முடிவு

புதுடெல்லி, நவ.- 27 - சத்ருகன் சின்கா மீது நடவடிக்கை எடுக்க பாஜக மேலிடம் முடிவு
செய்துள்ளது. பாஜகவில் பூசல் வலுத்து வருகிறது. பாஜக தலைவர் நிதின் கட்கரி மீது ஊழல் குற்றம் சாட்டப்பட்டது. எனவே அவருக்கு பதவி நீட்டிப்பு தரக்ககூடாது என்று ராம்ஜேத்மலானி கூறினார். அவரது மகன் மகேஷ் ஜேத்மலானியும் இதை வலியுறுத்தினார். இதை கருத்தை யஷ்வந்த் சின்கா, ஜஸ்வந்த் சிங், சத்ருகன் சின்கா ஆகியோரும் வலியுறுத்தினர். சிபிஐ இயக்குனராக ரஞ்சித் சின்கா நியமிக்கப்பட்டதை ராம்ஜேத்மலானி வரவேற்றார். சுஷ்மா சுவராஜ், அருண்ஜேட்லி ஆகியோரையும் அவர் விமர்சித்தார். இதையடுத்து அவர் மீது நடவடிக்கை எடுக்க வேண்டும் என்ற கோரிக்கை வலுத்தது. இதையடுத்து ராம்ஜேத்மலானி சஸ்பென்ட் செய்யப்படுவதாக செய்தித் தொடர்பாளர் ஷா நவாஸ் உசேன் அறிவித்தார். ராமாயணம், ராமனைப் பற்றி அவர் விமர்சனம்செய்ததும் அவரை நீக்கக் காரணமாக இருந்தது. சிபிஐ இயக்குநராக ரஞ்சித் சின்கா நியமிக்கப்பட்டதை சத்ருகன் சின்கா வரவேற்றார். எனவே இவர் மீது நடவடிக்கை எடுக்க பாஜக மேலிடம் முடிவு செய்துள்ளது. சத்ருகன் சின்கா அத்வானியின் தீவிர ஆதரவாளர். பாஜகவின் பிரதமர் வேட்பாளராக அத்வானியை அறிவிக்க வேண்டும் என்று இவர் கோரிக்கை விடுத்துள்ளார். இந்நிலையில் பிரதமர் வேட்பாளர் தொடர்பாக பாஜகவில் குழப்பம் நீடித்து வருகிறது. இப்பின்னணியில் ராம்ஜேத்மலானி சஸ்பென்ட் செய்யப்பட்டுள்ளார். வேறு சிலர் மீதும் நடவடிக்கை எடுக்க கட்சி மேலிடம் முடிவு செய்துள்ளதாகக் கூறப்படுகிறது. எனவே நிதானமாகச் செயல்பட வேண்டும் என்ற கோரிக்கை எழுந்துள்ளது. இதுபற்றி மூத்த தலைவர்கள் தீவிரமாக ஆலோசனை நடத்தி வருகின்றனர்.