7-வது ஊதியக்குழு பரிந்துரையை அமல் படுத்தக்கோரி தன்னாட்சி உயர்கல்வி ஊழியர்கள் தர்ணா போராட்டம்

 மத்திய அரசு கடந்த 1.1.2016 முதல் 7-வது ஊதியக்குழு பரிந்துரையை அமல் படுத்தி உள்ளது.

தர்ணா போராட்டம்

புதுவையில் அரசு ஊழியர்களுக்கு 7-வது ஊதியக்குழு பரிந்துரை அமல் படுத்தப்பட்டுள்ளது. ஆனால் நிலுவைத் தொகையும், அகவிலைப்படியும் வழங்கப்பட வில்லை. இதனால்அரசு ஊழியர்கள் இந்த நிலுவைத் தொகையும் வழங்க கோரி அவ்வப்போது போராட்டம் நடத்தி வருகின்றனர்.  இந்த நிலையில்  புதுவை மாநில அரசு தன்னாட்சி உயர்கல்வி நிறுவனங்களின் ஊழியர்கள் கூட்டு நடவடிக்கை குழுவினர் நேற்று போராட்டம் நடத்தினர். 7-வது ஊதியக் குழு பரிந்துரைகளை 1.1.2016 முதல்அமல் படுத்த வேண்டும். தன்னாட்சி உயர் கல்வி நிறுவனங்களை அரசு கல்லூரியாக மாற்றம் செய்ய வேண்டும். பிரதி மாதம் சம்பளத்தை உரிய தேதியில் வழங்க வேண்டும் என்ற கோரிக்கைகளை வலியுறுத்தி போராட்டம் நடத்தினர். இந்திரா காந்தி அரசு மருத்துவக் கல்லூரி, மதர் தெரசா அரசு ஆராய்ச்சி நிறுவனம் மற்றும் செவிலியர் கல்லூரி, தாகூர் அரசு கலைக்கல்லூரி, ராஜீவ்காந்தி அரசு கால்நடை மருத்துவ கல்லூரிகளை சேர்ந்தவர்கள் இந்த போராட்டத்தில் கலந்து கொண்டனர். இவர்கள் தங்கள் கல்லூரி நுழைவு வாயிலை மூடி தரையில் அமர்ந்து தர்ணா போராட்டத்தில் ஈடுபட்டனர். இதனால் மாணவர்கள் கல்லூரிக்குள் செல்ல முடியாத நிலை ஏற்பட்டது. சில கல்லூரிகளில் மாணவர்களும், ஆசிரியர்கள், ஊழியர்களுக்கு ஆதரவாக போராட்டத்தில் ஈடுபட்டனர்.