முக்கிய செய்திகள்
Idhayam Matrimony

சபரிமலையில் போராட்டம் நடத்திய 150 பேர் கைது கேரள அரசு நடவடிக்கை

வியாழக்கிழமை, 25 அக்டோபர் 2018      ஆன்மிகம்
Image Unavailable

திருவனந்தபுரம், சபரிமலை ஐயப்பன் கோவிலுக்கு செல்லும் பெண்களை தடுத்து நிறுத்தி போராட்டம் நடத்திய புகாரில் 150 பேர் கைது செய்யப்பட்டுள்ளனர். பத்தனம்திட்டா மாவட்டத்தில் மொத்தம் 59 வழக்குகள் பதிவாகியுள்ளன.

போர்க்களமான சபரிமலை....சபரிமலையில் அனைத்து வயது பெண்களும் சென்று சாமி தரிசனம் செய்ய அனுமதிக்கலாம் என்று சுப்ரீம் கோர்ட் அண்மையில் தீர்ப்பளித்தது. இந்த தீர்ப்புக்கு எதிர்ப்புத் தெரிவித்து, கேரளாவில் போராட்டங்கள், ஆர்ப்பாட்டங்கள், பேரணிகள் நடந்து வருகின்றன. சபரிமலை ஐயப்பன் கோயில் நடை, மாதாந்திர பூஜைக்காக கடந்த வாரம் திறக்கப்பட்டது. இதையடுத்து போராட்டக்காரர்கள் சபரிமலை ஐயப்பன் கோவிலுக்குள் பெண்களை அனுமதிக்காமல் இறுதி வரை போராட்டம் நடத்தினர். கோயிலுக்குள் வர முயன்ற பெண்கள் திருப்பி அனுப்பி விடப்பட்டனர். இதனால் சபரிமலை ஐயப்பன் கோயில் திறந்து இருந்த 5 நாட்களே பம்பை, நிலக்கல், சபரிமலையில் போர்க்களம் போல் காட்சியளித்தது.

150 பேர் கைது.....இந்த நிலையில் ஐயப்பன் கோவிலுக்குள் செல்ல முயன்ற பெண்களை தடுத்து பம்பை, சபரிமலை, நிலக்கலில் போராட்டம் நடத்தியது தொடர்பாக கேரள போலீசார்ர் வழக்குப்பதிவு செய்து நடவடிக்கை எடுத்து வருகின்றனர். போராட்டம் நடத்தியவர்களுக்கு எதிராக தேடுதல் வேட்டையை தொடங்கியுள்ளனர். மாநிலம் முழுவதும் இதுவரை 150 பேர் கைது செய்யப்பட்டுள்ளனர். சபரிமலை கோவிலில் நடந்த மோதல் தொடர்பாக பத்தனம்திட்டா மாவட்டத்தில் பல்வேறு காவல்நிலையங்களில் 59 வழக்குகள் பதிவு செய்யப்பட்டுள்ளதாக மாவட்ட காவல்துறை கண்காணிப்பாளர் நாராயணன் தெரிவித்துள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 month 1 week ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 month 1 week ago ஆவாரம்பூவின் மருத்துவ பலன்கள் 1 month 1 week ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 4 months 2 days ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 3 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 2 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.