முக்கிய செய்திகள்
Idhayam Matrimony

வெடி விபத்து மற்றும் விஷ வாயு தாக்கி உயிரிழந்த 12 பேரின் குடும்பத்தினருக்கு தலா ரூ.ஒரு லட்சம் நிதியுதவி: முதல்வர் எடப்பாடி பழனிசாமி உத்தரவு

வெள்ளிக்கிழமை, 24 மே 2019      தமிழகம்
Image Unavailable

சென்னை, வெடி விபத்து மற்றும் விஷ வாயு தாக்கி உயிரிழந்த 12 பேரின் குடும்பத்திற்கு தலா ரூ. ஒரு லட்சம் முதலமைச்சரின் பொது நிவாரண நிதியில் இருந்து வழங்க முதல்வர் எடப்பாடி பழனிசாமி உத்தரவிட்டுள்ளார்.

இது குறித்து அவர் வெளியிட்டுள்ள அறிக்கையில் கூறப்பட்டிருப்பதாவது,

காஞ்சிபுரம் மாவட்டம், திருப்பெரும்புதூர் வட்டம், திருப்பெரும்புதூர் கிராமம்,  நெமிலி மெயின் ரோடு, விநாயகா நகரைச் சேர்ந்த கிருஷ்ணமூர்த்தி என்பவர் 26.3.2019 அன்று தனது சொந்த வீட்டில் உள்ள கழிவு நீர் தொட்டியை சுத்தம் செய்ய இறங்கிய போது, விஷ வாயு தாக்கி மயக்கமடைந்து உயிரிழந்தார் என்ற செய்தியையும், அவரை காப்பாற்றச் சென்ற அவருடைய மகன்கள் கார்த்தி மற்றும் கண்ணன், திருநெல்வேலி மாவட்டத்தைச் சேர்ந்த பரமசிவம், ஒடிசா மாநிலத்தைச் சேர்ந்த சுரதாபிசி மற்றும் திருவண்ணாமலை மாவட்டத்தைச் சேர்ந்த லட்சுமிகாந்தன் ஆகிய ஆறு நபர்கள் உயிரிழந்தனர் என்ற செய்தியையும்;

திருவாரூர் மாவட்டம், மன்னார்குடி வட்டம், மன்னை நகரில் இயங்கி வரும் தனியார் வெடிபொருள் உற்பத்தி கூடத்தில் 27.3.2019 அன்று எதிர்பாராதவிதமாக ஏற்பட்ட விபத்தில், பணியில் ஈடுபட்டிருந்த, திருவாரூர் மாவட்டம், மன்னார்குடியைச் சேர்ந்த சிங்காரவேல், வீரையன், மோகன், பாபு, சுரேஷ் மற்றும் அறிவுநிதி ஆகிய ஆறு நபர்கள் சம்பவ இடத்திலேயே உயிரிழந்தனர் என்ற செய்தியையும் அறிந்து  நான் 27.3.2019 அன்றே இரங்கல் செய்தி வெளியிட்டிருந்தேன். வெடி விபத்து மற்றும் விஷ வாயு தாக்கி உயிரிழந்த 12 நபர்களின் அகால மரணத்தால் சொல்லொணாத் துயரத்தில் ஆழ்ந்திருக்கும் அவர்களது குடும்பத்தினரின் வறிய நிலையை கருத்தில் கொண்டு தற்போது, உயிரிழந்தவர்களின் குடும்பத்தினருக்கு தலா ஒரு லட்சம் ரூபாய் முதலமைச்சரின் பொது நிவாரண நிதியிலிருந்து வழங்க நான் உத்தரவிட்டுள்ளேன்.

இவ்வாறு அந்த அறிக்கையில் முதல்வர் எடப்பாடி பழனிசாமி தெரிவித்துள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 3 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 3 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 5 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 5 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.