டி-20 பந்துவீச்சாளர்கள் தரவரிசையில் புதிய சாதனை: அதிக புள்ளிகள் பெற்ற முதல் இந்திய வீரர் வருண் சக்ரவர்த்தி

துபாய், ஆடவருக்கான தரவரிசை பட்டியலை சிறிய மாற்றத்துடன் ஐ.சி.சி. நேற்று வெளியிட்டது. அதில் டி-20 பந்துவீச்சாளர்கள் தரவரிசையில் தமிழக வீரர் வருண் சக்கரவர்த்தி முதலிடத்தில் தொடர்கிறார். இதன் மூலம் டி-20 பந்து வீச்சாளர்கள் தரவரிசை புள்ளிகளில் அதிக புள்ளிகள் பெற்ற முதல் இந்தியர் என்ற வரலாற்று சாதனையையும் அவர் படைத்துள்ளார்.

818 புள்ளிகளுடன்.... 

இந்நிலையில் தென் ஆப்பிரிக்கா அணிக்கு எதிரான டி-20 தொடரில் சிறப்பாக பந்துவீசிய நிலையில், வருண் சக்ரவர்த்தி 818 புள்ளிகளை பெற்று அசத்தியுள்ளார். இதன் மூலம் டி-20 பந்து வீச்சாளர்கள் தரவரிசை புள்ளிகளில் அதிக புள்ளிகள் பெற்ற முதல் இந்தியர் என்ற வரலாற்று சாதனையை வருண் சக்கரவர்த்தி படைத்துள்ளார். மேலும் டி-20 பந்து வீச்சாளர்கள் தரவரிசையில் அதிக புள்ளிகள் பெற்ற வீரர் 8-வது வீரர் என்ற சாதனையை வருண் சக்கரவர்த்தி படைத்துள்ளார். இந்த பட்டியலில் பாகிஸ்தான் வீரர் உமர் குல் (865 புள்ளிகள்) முதல் இடத்தில் உள்ளார்.

அதிக புள்ளிகள் பெற்ற வீரர்கள்:

1) உமர் குல் (பாகிஸ்தான்) 865.

2) சாமுவேல் பத்ரீ (வெஸ்ட் இண்டீஸ்) 864.

3) டேனியல் வெட்டோரி (நியூசிலாந்து) 858.

4) சுனில் நரைன் (வெஸ்ட் இண்டீஸ்) 832.

5) ரஷித் கான் (ஆப்கானிஸ்தான்) 828.

6) தப்ரைஸ் ஷம்சி (தென்னாப்பிரிக்கா) 827.

7) ஷாஹித் அப்ரிடி (பாகிஸ்தான்) 822.

8) வருண் சக்ரவர்த்தி (இந்தியா) 818.

9) ஷதாப் கான் (பாகிஸ்தான்) 811.

10) வனிந்து ஹசரங்கா (இலங்கை) 809.