சென்னை : சென்னை, கிரீம்ஸ் சாலையில் உள்ள அப்பல்லோ மருத்துவமனைக்கு நேரில் சென்று, அங்கு சிகிச்சை பெற்று வரும் பா.ம.க. நிறுவனர் ராமதாசை சந்தித்து முதல்வர் எடப்பாடி பழனிசாமி உடல்நலம் விசாரித்தார்.
மேலும், அம்மருத்துவமனையில் சிகிச்சை பெற்று வரும் மயிலாடுதுறை முன்னாள் நாடாளுமன்ற உறுப்பினர் ஆர்.கே. பாரதிமோகன் மற்றும் வாகன விபத்துக்குள்ளாகி, தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வரும் சென்னை, கீழ்பாக்கம் அரசு மருத்துவக் கல்லூரி மருத்துமனையின் பயிற்சி மாணவர் டாக்டர் மகேஸ்வரன் ஆகியோரையும் முதல்வர் எடப்பாடி பழனிசாமி நேரில் சந்தித்து உடல்நலம் விசாரித்தார். இந்த நிகழ்வின் போது, தொழில் துறை அமைச்சர் எம்.சி. சம்பத், மக்கள் நல்வாழ்வு மற்றும் குடும்ப நலத்துறைஅமைச்சர் டாக்டர் சி. விஜயபாஸ்கர் ஆகியோர் உடனிருந்தனர்.
