முக்கிய செய்திகள்
Idhayam Matrimony

லடாக் எல்லையில் படைகளை குவிக்கும் இந்தியா - சீனா

ஞாயிற்றுக்கிழமை, 24 மே 2020      இந்தியா
Image Unavailable

Source: provided

புதுடெல்லி : லடாக் எல்லையில் இந்திய வீரர்களை சீன ராணுவம் சிறைபிடித்ததை தொடர்ந்து அங்கு பதட்டமான சூழ்நிலை நிலவி வருகிறது. மேலும் இரு நாட்டு படைகளும் அப்பகுதியில் குவிக்கப்பட்டுள்ளதால் அச்சுறுத்தல் ஏற்பட்டுள்ளது. 

லடாக் மாநிலத்தின் வடக்கு பகுதியில் பங்காங் டசோ ஏரி, டெம்சாக், கல்வான் ஏரி பள்ளத்தாக்கு ஆகிய பகுதிகள் உள்ளன. 1962-ம் ஆண்டு சீனப்போரின் போது இதையொட்டி உள்ள இந்திய பகுதியை சீனா கைப்பற்றிக் கொண்டது. அதில் இருந்து இந்த பகுதியில் எல்லை பிரச்சினை இருந்து வருகிறது.

இந்த 3 பகுதிகளும் இந்தியாவுக்கு சொந்தமானதாகும். ஆனால், இங்கு சீனா அடிக்கடி அத்துமீறலில் ஈடுபட்டு வருகிறது. இந்த நிலையில் கடந்த 5-ம் தேதி கல்வான் ஆறு பள்ளத்தாக்கு பகுதியில் சீனா கூடாரங்களை அமைத்தது. இதற்கு இந்திய ராணுவம் எதிர்ப்பு தெரிவித்தது. அப்போது இரு தரப்புக்கும் மோதல் ஏற்பட்டு வீரர்கள் காயம் அடைந்தனர். மேலும் பங்காங் டசோ ஏரி, டெம்சாக் பகுதியிலும் இப்போது சீனா கூடாரங்களை அமைத்துள்ளது. இதனால் இந்திய படைகள் கூடுதலாக அங்கு குவிக்கப்பட்டன.

இந்த நிலையில் பங்காங் ஏரி பகுதியில் இந்திய ராணுவத்தினர் மற்றும் இந்திய திபெத் எல்லை போலீஸ் படையினர் ரோந்து சுற்றி வந்தனர். அப்போது இந்திய படையினர் சிலரை சீன ராணுவம் சிறை பிடித்தது. அவர்களுடைய ஆயுதங்களையும் கைப்பற்றியது. இது சம்பந்தமாக பின்னர் எல்லை பகுதி தளபதிகளுக்குள் நடந்த பேச்சுவார்த்தைக்கு பிறகு வீரர்களை அவர்கள் விடுவித்தனர். இதன் பிறகு தொடர்ந்து அந்த ஏரி பகுதியில் படகுகளில் இந்திய பகுதிகளுக்கு வந்து சீன ராணுவம் அத்து மீறலில் ஈடுபட்டு வருகிறது. எனவே, அங்கு இந்தியா தொடர்ந்து படைகளை குவித்து வருகிறது.

சீனாவும் படைகளை குவிக்கிறது. இதனால் பதட்டமான சூழ்நிலை நிலவி வருகிறது.அங்கு நடந்த சம்பவம் தொடர்பாக ராணுவம் தரப்பில் பிரதமர் அலுவலகத்துக்கு விரிவான அறிக்கை அளிக்கப்பட்டுள்ளது. தேசிய பாதுகாப்பு ஆலோசகர் அஜித் தோவல் இது குறித்து தொடர்ந்து ஆய்வுகளை மேற்கொண்டு வருகிறார். அந்த பகுதியில் உள்ளூர் மக்கள் வசதிக்காக இந்தியா சமீப காலமாக சாலைகளை அமைத்து வருகிறது. இதற்கு சீனா ஏற்கனவே எதிர்ப்பு தெரிவித்தது.இதன் தொடர்ச்சியாக அத்துமீறல்கள் தொடர்ந்து நடந்த வண்ணம் உள்ளது குறிப்பிடத்தக்கது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 month 1 week ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 month 1 week ago ஆவாரம்பூவின் மருத்துவ பலன்கள் 1 month 1 week ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 4 months 2 days ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 3 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 2 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.